Tað verða ikki vanligar valrøður, men ístaðin er ætlanin, at politikkararnir luttaka við tónleiki, við at rappa, kvøða ella við sangi. Møguleiki er somuleiðis at lesa upp yrkingar ella framføra tónlistarlig verk við løttum innihaldi og í einum tóna, sum fer at skapa hugna, látur og felagsskap.

Allir politiskur flokkarnir á Tingi + teir báðir nýggju flokkarnir vera til tiltakið.

Vit vóna at síggja so nógv valevni sum gjørligt, og gleða vit okkum til hvussu kreativ tey fara at verða í sínum framførslum.

Tiltakið sjálv byrjar klokkan 19, tá bólkurin “Ecclesia” fer at spæla og syngja. Og klokkan 22 verður tað eingin annar enn Danny Baldursson, ið fer at syngja og spæla.

Hesin serstaki valfundurin er ókeypis. Høvið verður at keypa eina góða suppu og ein drekkamunn við onkrum góðum afturvið. Café’in í veghæddini er opin frá klokkan 15 til 24.