Lýsing
Lýsing

Semir gjørdi ein “Firmino”

SKRIVAÐ: Norðlýsið  |  11.08.2019 - 09:45 Ítrottur Tíðindi

Í Summarfestival-dystinum millum KÍ og Víking, har samlaða áskoðaratalið, íroknað børn, mundi liggja lítið niðan fyri 2000, gjørdi Semir Hadzibulic eitt sonevnt “look-away trick”, tá hann legði upp til Jóannes Bjartalíð, sum skoraði til endaliga úrslitið 2-0 ímóti Víkingi.

 

Fríggjakvøldið vóru onkrir myndamenn frá høvuðsstaðarpressuni at síggja við Djúpumýru, men vanliga, tá KÍ spælir sínar heimadystir í Betri-deildini, eru sum oftast tveir ella tríggir lokalir og sera góðir myndatakarar við vøllin og taka myndir.

 

Ein av hesum myndamonnum er okkara egni Oliver Joensen, sum í eitt mannaminni hevur verið so trúfastur, og sum hevur tikið manga søguliga myndina í stóra og áhugaverda savninum hjá Norðlýsinum.

 

Ein annar, sum eisini er ofta at síggja við Djúpumýru, er Símun á Høvdanum, sum – hóast hann er nakað væl yngri enn Oliver – eisini hevur tikið myndir her í lokalsamfelagnum í nógv ár og hevur eitt savn av myndum, sum eisini er áhugavert fyri lokalu søguna.

 

Triði myndamaðurin, sum mangan sæst við Djúpumýru, er myndamaðurin hjá KÍ, Eyðbjørn Jacobsen, sum mangan fangar áhugaverdar vinklar og støður í sínum myndum av leikarum og áskoðarum.

 

Í dystinum fríggjakvøldið á Summarfestivalinum var tað júst Eyðbjørn, sum fangaði eina áhugaverda støðu við sínum linsum.

 

Semir gjørdi eitt

“look-away trick”

Tað var seint í dystinum, eftir at Víkingur í eina løtu hevði roynt at lopið á fyri at javna út 1-0 leiðsluna hjá KÍ, at KÍ byrjaði at koma fyri seg aftur í dystinum.

 

KÍ bygdi upp eitt væl spælt álop í teirra høgru síðu, sum endaði við, at Semir fekk bóltin við brotsteigarmarkið nakað til høgru.

 

Samstundis var Jóannes Bjartalíð farin til stroks inn í Víkings-brotsteigin, og hetta hevði Semir eisini sæð, men so gjørdi hann eitt “trick”, sum ikki er so ofta at síggja í fótbólti, men tað kemur tó fyri av og á.

 

Um tað var fyri at villeiða Víkingsleikararnar, ella tað bert var til stuttleika, hava vit ikki funnið útav enn, men beint áðrenn Semir spældi Jóannes Bjartalíð frían inni brotsteiginum, snaraði hann høvdinum aftureftir – og so spældi hann bóltin júst øvugtan veg.

 

Ein stuttlig finta, tí álopið og fríspælingin eydnaðist til lítar, har Jóannes Bjartalíð sendi bóltin á stongina og inn í Víkingsmálið, og so var rómur við Djúpumýru.

 

Ein altjóða kendur leikari, sum er blivin kendur fyri júst hetta sonevnda “look-away trick’ið”, er brasiliumaðurin Roberto Firmino, sum dagliga spælir í Premier League fyri Liverpool FC, men nú hevur Semir Hadzibulic hjá KÍ altso gjørt honum tað eftir :)

Lýsing
Seinastu tíðindini
KÍ úti av steypakapping­ini og HB heldur…
Útslignir móti HB í Klaksvík annað árið…
FM/­JM langgeil 3.-5. juli
Brúdleyp - Jona Elisa Rasmussen og Petur…
Sleppa Wuhan Dahl og Kina at verða 17. m…
Tónleikaligt hugnakvøld
Fuglatúrur millum Tjarnir
Nevndin í FM heldur fram
12. juli er talvudagu­rin hjá Føroysku s…
Trygvi Hansen venjari hjá Mjølnir
Útskiftingin í Uppsalahaga endað
Brúdleyp - Karin Kristina og Ivan
Upptakt: KÍ-HB
Amerikanski ambassadøru­rin: Forsetavalið…
Amerikanska sendikvinnan: Føroyar eru po…
Sands: Vónandi fæst Donald Trump til Før…
Carla Sands: Hvørki flotaherstøð ella ko…
Í seks ár hava Bústaðir bygt fimm vanlig…
Carla Sands vitjaði Norðlýsið
Nýggjur Christian í Grótinum