Lýsing
Lýsing

Eg flenni í andglettinum

SKRIVAÐ: Bjarta Petersen, H  |  22.08.2019 - 20:00 Løgtingsval 2019 Politikkur

Sum flestu nokk hava lagt merki til, sum hugdu eftir Andglettinum tá Arnfinn á Birtuni stóð fyri skotum, so flenti eg.

Ja, eg flenti enntá hart.

Onkur vildi kanska sagt tað var óhóskandi, tí maðurin var týðuliga keddur, og føldi seg ákærdan í forvegin av spurningunum. Hetta er sannheit.

Tó so flenti eg, men hví.

Jú, eg flenti tí eg havi hoyrt hasi argumentini fyrr, og tað ræðir meg. Eg havi hoyrt hasi argumentini frá fólki sum selja og brúka hash og onnur sterkari evnir.

Hartil fari eg so at hugsa, at møguliga eru hetta argumentir, sum eru vanlig at brúka.

Hetta sum so ræðir meg er: at maðurin hevur møguliga ein rímuligan stóran veljaraskarða í Føroyum.

Fyri okkum, sum ikki brúka rúsandi evnir eru hetta tápulig argument, sum onki hald er í.

Sjálvandi er hash í sær sjálvum ikki gott fyri teg. Men um tú hevur hoyrt lygnina nóg ofta kennist hon sum sannleiki.

Tí er týdningarmikið, at vit svara hesum aftur og vísa á at hash við euforisku evnunum í er farligt.

Eg orki ikki tankan um, at míni børn gerast bundin av rúsevnum – heldur ikki fyri at minka um sálarliga pínu.

Eg orki ikki tankan um einar Føroyar, har alsamt fleiri eru bundin av hash.

Eg orki ikki tankan um at koyra í traffikkinum, og hinir førarirnir eru ávirkaðir av rúsevnum.

Eg orki ikki tankan um børnini, sum lýða misrøkt undir foreldum, sum eru bundin av hash.

Tað sum flestu okkara kenna til sum sannleika og eru vorðin lærd í fólkaskúlanum er: at hash er tað minst farliga av rúsandi evnunum.

Men tó so sera farligt, tí tað opnar sum ein hurð fyri øllum hinum farligaru rúsevnunum.

Av teim farligaru rúsevnunum gera summi eitt varandi sálarmein, avhengiheit, ella skitsophreni.

Um kannibis flokkurin fær sín vilja merkir hetta eitt sera økt trýst á avvenjingarstøðini.

Hetta kundi verið grundin til, at teir hava tikið tað við í sína dagsskrá, at gera meira við avvenjing.

Heilaskanningar av fólki, sum hava drukkið illa, ella tikið rúsevnir í eina ávísa tíð, vísa at tey hava heilaskaða.

Heilt seriøst merkir hetta, at heilin hevur partar, sum eru óaktivir. Tað vil siga heil øki av heilasellum, sum als ikki fungera.

Ein slík heilsaskanning vísir ein holutan heila. Eg veit um brúkarar uttanlanda, sum eru blivin kannað, og fortald, at tey mentalt hava niðursett IQ og eru at javnseta við retarderaði fólk. Hetta ger tey tísskil óarbeiðsfør til nógv arbeiðir.

Skulu vit lata eina slíka dagsskrá ráða í Føroyum. Hvør bjóðar seg fram at donera síni børn til at vera offur fyri hesum?

Nú havi eg ikki nevnt kriminalitet enn, tí kannabis flokkurin sigur teirra loysn minkar um kriminalitet.

Har hevur hann í ein vissan mun rætt.

Eisini tekur hann synd í fólki, sum ikki longur hava rein pappír, hvat lógini viðvíkur, og ynskir at tey kunnu hava meira frælsi. Hetta er fitt av honum.

Tó so bjóðar Miðflokkurin eina nógv betri og simplari loysn: vit anseta nakrar gravhundar til allar tollarar, sum eru á flogvøllinum og umborð á skipum og á øllum postflutningi.

Hesir hundar eru forholdsvís lítlir, fittir og mildir.

Samstundis hava teir førleika til at geva okkum eina tryggari Føroyar.

Føroyar eru so lítlar og so avsíðis, at vit kunnu forholdsvís nemt steðga innflutningi av rúsevnum yvirhøvur.

Lat okkum standa saman og standa móti rúsevnum.

Bjarta Petersen (MA in Counseling)
Valevni hjá Miðflokkinum

Lýsing
Seinastu tíðindini
Stríðið er av – men hvør vann?
Skrokku­rin hjá Christian í Grótinum verð…
Dystar­veðrið KÍ - ÍF
Upptakt: KÍ-ÍF
Norð­oyastevnuróðu­rin verður 24. juli
Myndarøð: KRF hátíðarhelt góðu úrslitini…
3. deild vann stórsigur í Suðuroy
Klaksvík­ingur, Páll Fangi og Fípan Fagra…
Kristian Joensen til EB/­Streym
EM studio 4
Álop á okkara vunnu rættindi
Røða til próvhandan­ina hjá Dugna
28 lærlingar fáa prógv
Stórtíðindi úr Syðrugøtu: Aurora kemu…
Minningarorð um mín góða vin og starvsfe…
Frimodt: Hetta er forkastiligt
Norðlýsið á gøtuni
Fleiri uppsagnir á veg í Kringvarpi­num
Hvussu verður við Summar­festivalinum
Náttarlív og summar­stevnur í gongd aftur