Vit høvdu myndatólið við og fingu góð prát og góðar myndir. Valevnini eru sera spent og gera nógv burturúr.

Í hølunum hjá Sambandsflokkinum høvdu Sunneva og Frimodt orðið, umframt formaðurin Bárður á Steig Nielsen. Sunneva og Frimodt greiddu frá hví tey stillaðu upp og eisini hvat tey ætlað at arbeiða fyri á Føroya Løgtingi. Sambandflokkurin heldur til í hølunum hjá Garpar á Klaksvíksvegnum. 

Hjá Fólkaflokkinum var nógv lív í, sum tað vanligt er í Klaksvík. Øll trý valevnini Jákup Mikkelsen, Elsebeth Mercedis Gunnleygsdóttur og Beinir Johannesen gingu millum veljararnar og prátaðu óført. Fyrrverandi løgmaður Anfinn Kallsberg tiltrekkjur nógv fólk, hann er vitugur sum fáur og spentu veljararnir vildu vita um m.a. persónlig atkvøðutøl, tingmannatal til flokkar og samgongumøguleikar eftir valið. Fólkaflokkurin heldur til í hølunum har Big Stan hevði pizzaria til fyri kortum. 

Í kvøld fara vit á valkafé hjá Javnaðarflokkinum og Tjóðveldi eftir valsendingina á Skúlatrøð í kvøld, sum KVF fyriskipar. Í morgin fara vit á valkafé hjá Sjálvstýri. 

Niðanfyri sæst skráin hjá ymsu kafé'unum