Yðjandi lív á Vágni í gjárkvøldið - áheitan frá Havstovuni
Og í morgun liggur deytt krill kring alla fjørðuna. Í gjárkvøldið og seint í gjár ringdu fleiri til Norðlýsið við tíðindum um yðjandi lív á vágni. Har sóust smá kykt allastaðni svimja fram við brúgvunum og harafturat sást størri fiskur, helst sild og seiður í hópatali kastast á Vágni.
Vit hava sent myndir til Havstovuna at frætta teirra viðmerking. Hetta hevur í hvussu so er ikki verið vanligt fyribrigdi á Vágni, sjálvt um tað er hent áður.
Frá Havstovuni hava vit fingið soljóðandi teldupost um myndirnar, vit sendu teimum, Tað er Petur Steingrund, ið skrivar:
Hey Oliver.
Takk fyri hesar sera áhugaverdu myndirnar.
Hetta er krill, helst av slagnum Meganyctiphanes norwegica.
Tað hevði verið áhugavert, um lesarar Norðlýsins kundu upplýst, um og nær teir hava sæð slíkt áður.
Vh Petur.