Lýsing

Brandur fingið nýggja høvuðsmotor

SKRIVAÐ: Oliver Joensen  |  06.09.2019 - 13:51 Mentan Myndarøð Tíðindi Vinna

Tað er nú gingin rúm tíð síðani Brandur var í útróðrartíðindunum hjá Norðlýsinum. Janus Sørensen, skipari og eigari av Brandi sigur, at teir hava ligið stillir nú í umleið 2 1/2 mánaða. Orsøkin er, at teir hava brúkt tíðina at gera ymiskar umvælingar á skipið.

Vit hava skift høvuðsmaskinuna út. Nýggi motorurin er ein Nanni diesel, ið er 330 hk. Gamli motorurin var 210 hk til støddar. Motorurin er keyptur frá Andersens Beding á Strondum. Umframt høvuðsmaskinuna hava vit gjørt umfatandi umvælingar á elskipanina eins og allar pumpur eru skiftar og ymiskt annað. Tað er Pomek, ið hevur staðið fyri at skifta motorin.

Nú eru vit komnir upp undir land við hesum umvælingunum og eru í gongd við at rigga okkum til at fara til útróðrar mánadagin. Konan er umborð og vaskar leggur Janus skemtandi afturat.

Tá vit spyrja hvussu árið hevur royntst higartil, sigur Janus Sørensen, at fyrra hálvár í ár hevur Brandur fiska fyri góðar fýra milliónir. Til sammetingar kann nevnast, at fyri alt árið 2017 fiskaðu teir fyri 3,7 milj. krónur.

Tað er eisini hugaligt at byrja aftur nú, tí teir, sum hava roynt við línuni hesa tíðina hava fingið væl av fiski, so tað sær bara gott út frameftir.

Brandur er einasti størri útróðrarbáturin í Hvannasundi, vanliga eru tveir mans við Brandi ímeðan ein fastur egnari er á landi.

Lýsing
Seinastu tíðindini
GLOYMDUR - bókaframløga í Klaksvík
Vísindavøkan 2019 verður í dag
Fólka­tinglimir vitja Kaj Leo Holm Johann…
KÍ er best umboðað á U16-lands­liðnum
StÍF hevði munin
Málini hjá Páll hava havt stórt virði
Betri samtakið gott hálvár
Takuya Matsunaga fingið nýtt felag
Akademikarir í Klaksvík
VIDEO: Nýggi Klakkur fyrrver­andi GEIR II
Líggjas: Eitt stórt stig víðari við línu…
Sp/­F Undir Klakki keypt nýtt línuskip
Úr savninum: Samrøða við Jóannes Leivska…
Sjørnan tekur ímóti StÍF í kvøld
Stórt tunnilsblað mikudagin
J. &. K. Petersen byrjaðir við bátahylin…
Mjølnir hevur aðalfund
Páll - Myndir frá dystinum í kvøld
Frá Kaldbak til Ánurnar
Væl er sáað