Lýsing
Patrik hevur sín næsta málturk
Kappingarárið hjá Patrik Johannesen hevur koyrt í bylgjum.
Hyggja vit bara eftior málum, so hevur tað koyrt í trimum tíðarskeiðum hjá Patrik Johannesen. Síðani summarsteðgin hevur Patrik einki mál skorað.
Frá 1. umfar til 6. umfar (spældi 5 dystir) skoraði Patrik 0 mál.
Frá 7. til 13. umfar (spældi 7 dystir) skoraði Patrik 8 mál.
Frá 14. til 21. umfar (spældi 6 dystir) skoraði Patrik 0 mál.
Patrik hevur lagt upp til 8 mál í ár og hevur sostatt samanlagt 16 málstig í 18 dystum. Fyrsta málið hjá Patrik í KÍ í landskappingini kom móti barndómsfelagnum TB. Mótstøðuliðið leygardagin er TB og og so fæst at síggja, um hansara málturkur hesaferð eisini endar móti barndómsfelagnum.
Seinastu tíðindini