Lýsing
Lýsing
Upptakt: NSÍ-KÍ
Dysturin í kvøld snýr seg um, hvør skal bjóða B36 av í kappingini um føroyameistaraheitið.
Bæði NSÍ og KÍ eru fimm stig aftanfyri B36 undan dystinum, men hesin dysturin kann senda vinnaran í eina góða støðu til at bjóða av seinastu umførini. KÍ vann fyrra innanhýsis dystin í ár, men í Runavík hevur KÍ bara vunnið ein av seinastu 11 dystunum.
Hjá KÍ er stóra ivamálið, um Semir Hadzibulic verður klárur. Hann var ikki tøkur móti TB. Hjá NSÍ var toppskjúttin og liðskiparin Klæmint A. Olsen ikki tøkur móti B36, men hann kom inn seinasta partin av dystinum. Tí er spurningurin, um hann verður klárur nokk til at byrja inni hesaferð.
Dysturin við Løkin í Runavík byrjar kl. 19.00. Dómari verður Kári á Høvdanum.
Seinastu tíðindini