Ruddaðu á Borðoyavík
Tá ið Norðlýsið var og vitjaði uppi á Borðoyavík í dag, sóðust borgarstjórin, formaðurin í Havna- og Vinnunevndini og forkvinnan í trivnaðarnevndini, saman við familju í fjøruni.
Endamálið var at rudda, nú dagurin er settur av til hetta, og sigast má at tey fingu heilt nógv í posarnar. Eisini forkvinnan í mentanarnevndini var eitt fitt petti longri yviri, saman við onkrum fólkum frá umsitinigni, men tíverri fingu vit ikki mynd av henni.
Seinastu árini hevur ruddingardagurin verið eitt afturvendandi tiltak, og soleiðis hevur eisini verið hjá býráðslimum. Vit kliktu nakrar myndir, og samlaða úrtøkan hesar tímarnar á Borðoyavík komu umleið 600 kg til høldar, so sigast má at tað rekst nógv órudd í náttúruni.
Mest sum allir býurin hevur verið við í ruddingarátakinum seinastu dagarnar, og er tað hugaligt at síggja hvussu býurin fríðkast.