Lýsing
Lýsing

Flogbóltur: 30 ár síðan seinast!

SKRIVAÐ: Flogbóltssamband Føroyar  |  27.09.2019 - 13:11 Ítrottur Tíðindaskriv

Tað kann róliga verða sagt, at tað er ikki á hvørjum degi, at fólk kunnu síggja føroyska A-landsliðið í flogbólti á heimavølli. Flogbóltssamband Føroya hevur seinnu árini skipað fyri fleiri altjóða kappingum á heimavølli, og tær hava eydnast stak væl. Men hetta er fyrsta altjóða kapping fyri A-landsliðið hjá monnum í 30 ár.

 

Oyggjaleikir í 1989

Føroyar høvdu virknan leiklut, tá ið Oyggjaleikirnir tóku seg upp fyrstu ferð í 1985. Longu í 1989 hýstu Føroyar Oyggjaleikunum, og tá sum so mangan síðani var flogbóltur ein av fremstu ítróttagreinunum á leikunum.

 

Tað heilt serliga fyri flogbóltin var, at Føroyar vunnu gull. Eitt framúr úrslit, ið Føroyar ongantíð hava megnað síðan, hóast vit hava verið ómetaliga nær við. So vit kunnu av røttum siga, at vit vinna gull hvørja ferð vit skipa fyri á heimavølli. Vónandi kunnu vit eisini siga tað, tá ið síðsta bríksl hevur ljóðað sunnukvøldið 6. oktober í høllini á hálsi, og dysturin ímóti Íslandi er av.

 

Leingi hava vit bíða!

30 ára bíðitíð er nú av. Oyggjaleikirnir á heimavølli liggja enn nakað úti í framtíðini, men føroyska A-landsliðið í flogbólti kemur nú heim aftur. Endiliga sleppa vit at síggja okkara bestu á heimavølli. So nú er ikki at sita heima, men koma í høllina at brøla á Føroyar

 

Dystarskrá

 

Fríggjadag 4. oktober

Kl. 16.00         Skotland – Ísland

Kl. 18.30         Føroyar – Grønland

 

Leygardag 5. oktober

Kl. 16.00         Ísland – Grønland

Kl. 19.00         Skotland – Føroyar

 

Sunnudag 6. oktober

Kl. 14.00         Grønland – Skotland

Kl. 17.00         Føroyar - Ísland

 

Koyrið á Føroyar!

 

 

Lýsing
Seinastu tíðindini
Minningarorð - Sonja í Heiðriks­stovu
Lene nýggjur A-lands­liðsvenjari
Norðoya Seyðahunda­felag fund
Janusz Korczak og børnini
Nýggj farleið norð um fjall samtykt!
Lógaruppskotið hjá lands­stýriskvinnuni,…
Kavamyndir frá í gjárkvøldi og í morgun
Øll børn og ung skulu loftast– eisini te…
Hanna Dalsenni takkar fyri seg
Tók bert 12 mánaðir at byggja
Klárt at flyta inn í íbúðirnar á Norðoyr…
Eystan Múla verður flutt inn í framtíðin…
Nýggjan strandfaraflota um fá ár
Planta ymisk fræ
Fyrstu ferð at lokali parturin av KÍ-hóp…
Trolarar­nir landa í dag
Hvussu kunnu vit hava ávirkan?
Fyrsti MAXUS elbilurin komin til Nordcar
Kapping: Ársins Vitanarfróðu 2021
Gott skoytuveður alla vikuna