Lýsing
Lýsing

KÍ var vinnarin av 24. umfarinum

SKRIVAÐ: Jákup Ósá - Myndir: Oliver Joensen  |  29.09.2019 - 17:46 Ítrottur Mentan Myndarøð Tíðindi Vinna

HB tók stig frá oddaliðnum og hóast KÍ spældi langt undir vanligt støði, so eydnaðist tað KÍ at vinna á botnliðnum ÍF á heimavølli.

KÍ er nýtt oddalið eftir 24. umfar. KÍ hevði stórar trupulleikar við ÍF og í seinna hálvleiki lá í luftini, at ÍF fór at javna. Men so skoraði Jóannes Bjartalíð eitt av ársins málum, og so var dysturin avgjørdur. KÍ-avrikið var eitt av ársins vánaligastu, og trupult er at siga hvør orsøkin er. KÍ-liðið var nakað broytt vegna leikbann og skaðar og kanska tóku leikararnir ov lætt uppá uppgávuna, tí ÍF hevur ikki givið toppliðum stórvegis mótstøðu í ár. Ein frágreiðing er kanska eisini, at ÍF avrikaði væl og var væl skipað fram til 2-0 málið.

 


At KÍ er oddalið kemst av, at HB tók stig frá B36. Sostatt var laka avrikið hjá HB móti EB/Streymi ikki eftirfarandi fyri gongdina eftir steypafinaluna, tí HB reisti seg til grannauppgerðina. B36 hevur tó eins og KÍ framvegis alt í sínum egnu hondum, tí liðini møtast innanhýsis í síðsta umfarinum. Og tað hvur neyvan stórvegis ydning, hvat av liðunum er oddalið, so undan síðsta dystinum so leingi sum støðan er tann, at vinnarin av tí dystinum vinnur FM. Fram til tá hevur KÍ truplari dystir enn B36 á pappírinum, tí KÍ hevur bara dystir móti topp 4 liðum eftir, so oddasessurin kann skjótt skifta eigara aftur. At Víkingur vann á útivølli móti NSÍ í dag merkir, at Víkingur hevur alt at spæla fyri komandi leygarkvøld móti KÍ, tí nú er kappingin millum Víking og NSÍ um 3. pláss nærum eins hørð sum FM-dysturin millum KÍ og B36.

Lýsing
Seinastu tíðindini
Team Rynkeby savnaði 1.540.000 krónur ti…
Fram við landi í Árnafirði við Hanus í G…
Jesus segði: ”Loyvið smábørni­num at koma…
Jesus segði: ”Loyvið smábørni­num at koma…
Undir Íslandi við Norðborg
Elsebeth Mercedis Gunnleygsdóttur svarar…
Garðavegur verður nú gjørdur liðugur
Sum ein Jarðarferð
Paul Kjartan er okkara valevni í Klaksví…
Gysari hjá monnunum
SÍ vann fyrsta stórsteypadystin!
KÍ-AB er útsettur til 4. november
Símun H. Poulsen vann Pes-kappingina
Tunnilsdagur: Tombola og PES-kapping í S…
Broytingar í el-in -  Ein spennandi tunn…
Flogbóltur: Stórsteypadystir á fyrsta si…
Handað borgaru­num 20.000 trøð og runnar…
20 ár í el-in
KÍ-AB spæla sunnudagin, Víkingur-KÍ er ú…
Við Norðborg 2. partur - Av Fugloy suður…