Lýsing
Lýsing

Vitan, ið fremur – Svøvnkøva

SKRIVAÐ: Klaksvíkar sjúkrahús  |  01.10.2019 - 17:41 Myndarøð Tíðindaskriv

Klaksvíkar sjúkrahús bjóðaði 24. september kommunulæknum og starvsfólkum, ið virka á kommunulæknamiðstøðum í Føroyum, framvið til eina vitanarríka framløgu um svøvnkøvu (svøvnapnø).

Framløgan var ein liður í arbeiðinum í samband við at skipa svøvnkøvuviðgerðina í Sjúkrahúsverki Føroya. Til framløguna var serlæknin í svøvnkøvu frá Vejle Sygehus, Eline Garntzhorn, lungnamedisinari komin til Føroyar.

Endamálið við framløguni var, at varpa ljós á sjúkuna og viðgerðargongdina á Klaksvíkar sjúkrahúsi - m.a. hvørji eru sjúkueyðkenninini, hvussu verður ein greining av sjúkuni framd og staðfest, og hvussu arbeitt verður við at fáa tey røttu tólini til vega til sjúklingarnar. 

Sjúkrarøktarfrøðingarnir, ið vara av svøvnkøvu-ambulatorinum vístu í verki, hvussu arbeiðið í ambulatoriinum fer fram.  

Svøvnkøvu ambulatoriið varð alment latið upp 13. august 2019. Væntast kann at ímillum 1.000 og 1.500 fólk í Føroyum líða av svøvnkøvu. Klaksvíkar sjúkrahús hevur higartil sæð umleið 200 sjúklingar. Flestu hava fingið staðfest, um tey eru rakt av svøvnkøvu og hava fingið tólini til vega, onnur hava fingið staðfest sjúkuna, men bíða eftir tólinum, og aftur onnur hava verið til kontrol.

Í dag er bíðitíðin eftir tólum heilt upp til 8 vikur. Klaksvíkar sjúkrahús harmast sjálvandi um bíðitíðina, og arbeiðir tí við at finna eina loysn, sum kann minka um bíðitíðina. 

Samanumtikið eru Klaksvíkar sjúkrahús og Vejle Sygehus fegin um samstarvið og arbeiðið. Kvøldið endaði við einum ábiti og vitanardeiling millum luttakararnar, serlæknan frá Vejle Sygehus og starvsfólkini á Klaksvíkar sjúkrahúsi.

Fyri at koma til kanningar á ambulatoriinum fyri svøvnkøvu, mást tú fyrst venda tær til kommunulæknan, sum ávísir.  

Myndir frá tiltakinum síggjast niðanfyri.

 

 

 

 

 

 

Lýsing
Seinastu tíðindini
KÍ vendi aftur øllum og vann
Vitja 5 fjallatoppar og vinn
Kirkju­bøkur­nar í Eysturoynni
Kaj Leo Holm Johannesen helt røðu til pr…
Upptakt: KÍ-TB
Søla í smáttunum
Kommunala Eftirlitið kannar valagn
Tøkk
Fleiri vegir verða asfalteraðir
Norðlýsið á gøtuni
Læra av Bakkafrost
Danmark-Føroyar í oktober
Fylg makrel­kanningu­num 2020
Tað spruttar av lívi í Klaksvíkar Róðrar…
Tróndardagur í Gomlu Norð­ragøtu
Løgtingsvalið í Klaksvík 1994
Marknaðargrundað skipan í Havn
Team Klaksvík hevur tveir útlendskar mál…
Lógaruppskot um bústaðaætlan til hoyring…
Team Rynkeby á ferð í Føroyum