Bæði liðini spældu seg í betri støðu á stigatalvuni eftir síðsta umfar. KÍ fór framum B36, meðan Víkingur kom trý stig nærri NSÍ og hevur nú realistiskan møguleika at vinna síðsta Europa League plássið. Men hjá báðum krevst ein sigur í dag fyri at antin varðveita ella styrkja støðuna á stigatalvuni. 

Hjá Víkingur hava flest allir leikarar verið tøkir síðstu tíðina. Einki leikbann er hendan dystin. Tað er tað heldur ikki hjá KÍ, har Ísak Simonsen ikki spældi seinast vegna skaða. Tað er ivasamt, um hann spælir hesaferð.

Dysturin í Norðragøtu byrjar kl. 17.00 og dómari verður Eiler Rasmussen.