Lýsing
Lýsing
Lýsing
Hesar graslíkirullurnar skulu burturbeinast

Avtala er gjørd við IRF um at burturbeina graslíkið

SKRIVAÐ: Jóhann Lützen  |  07.10.2019 - 22:56 Tíðindi Vinna

Borgarstjórin vísir í kvøld á, at kommunan longu í summar vendi sær til IRF um at fáa burturbeint tann partin av vøllinum, sum ikki skuldi endurnýtast. Avtalað varð, at IRF skuldi venda aftur við einari loysn, men enn hevur eingin vent aftur.

- Tá ið vøllurin varð tikin av í summar, fóru vit beinanvegin í samskifti við IRF um hvussu vit skuldu burturbeina gamla graslíkið, og ikki minst svarta gummiundirlagið, sum liggur undir vøllinum. Gummiundirlagið bleiv burturbeint beinanvegin í góðum samstarvi við IRF, sigur Jógvan Skorheim, borgarstjóri í Klaksvíkar kommunu.

Partar av gamla graslíkinum fóru í summar til smærri vallir á ymiskum støðum uttan fyri kommununa, og nakað skal eitt nú brúkast til spæliplássið á Mylnutúni og á FIFA-vøllinum úti í Oyri og møguliga onkra aðrastaðni eisini.

- Eg gleðist um, at vit kunnu endurnýta stórar partar av vøllinum, men samstundis harmar tað meg, at seinasti parturin enn ikki er burturbeindur, men vónandi fáa vit nærri at vita frá IRF ein av fyrstu døgunum, so hetta málið kann avgreiðast skjótt, greiðir Jógvan Skorheim frá.

Hann leggur afturat, at tað kendist undarligt at lesa, at Norðlýsið hevði vent sær til kommununa.

- Eg eri ikki blivin uppringdur viðvíkjandi graslíkinum og vildi fegin svarað beinanvegin, men tann møguleikan havi eg so ikki fingið, staðfestir Jógvan Skorheim.

Lýsing
Seinastu tíðindini
Óvæntað samanseting bleiv til rómapopp
Árligi útláns­vøkstur til vinnuna 2,6% í…
Dugir tú at vaska vembur
Linda: Eg havi 70 børn í ár
Nýggjur palllista­skúli í Klaksvík
OYL25: Vit hugsa bert um svimjing
Samrøða við Torkil Mørkøre
SSL stjórin: Royndarsiglingin gekk sera…
Magnus og Olgar áttu Víking (seinni Eldo…
Russiska fyritøkan stendur spyrjandi
Nøglin í dag kl. 15
Bankar: Fíggjarstøðan hjá vinnukundum ba…
Høganesvegu­rin verður longdur
Rottangatøming í Svínoy
Sílaverkætlanin heldur fram, og okkum tø…
Myndarøð: NSÍ-HJK - á Djúpumýru
Góður fyrri hálvleikur hjá KÍ
Her sæst KÍ dysturin
Ægir fyrra tíman og Torkil Mørkøre seinn…
Atgongumerkjaprísu­rin einaferð enn