Ikki er neyðugt at halda seg aftur, um ein kanska ivast í, um ein dugir nóg nógv kvæðir. Tað er skjótt at koma á lagið. Dansað verður til føstan byrjar. Skrá er gjørd til hvørt kvøldið. Umframt vanligu dansikvøldini eru onnur tiltøk eisini á skránni.

Nevnast kann, at felagið 23. novembur hevur ársveitslu, har tvey dansifeløg eru boðin við. Dansiútferðir, rivjakvøld o.a er eisini fastur partur av vetrarskránni. Klaksvíkar Dansifelag er virkið innan Barnadans. Børnini byrja at dansa sunnukvøldið 27. oktobur. Barnadansurin er frá kl. 19.00 til kl.20.00 í Skálanum.

Umframt vanligu dansikvøldini eru útferðir, jólahald, tunnusláttur og árliga barnadansistevnan á skránni. Á sumri 2020 fra 13 til 19 juli er Barnlek í Svøríki, og fara vit í Klaksvíkar Dansifelag at luttaka.

Øll eru vælkomin í barnadans. Best er tó, um børn undir skúlaaldur hava onkran vaksnan við sær. Við dansikvøðu og vón um ein góðan og gevandi dansivetur.