Lýsing
Lýsing

Býráðið bjóðar til morgunmat í KÍ-høllini

SKRIVAÐ: Jóhann Lützen  |  21.10.2019 - 21:36 Ítrottur Mentan Tíðindi

Spenningurin økist til stóra finaludagin í Gundadali, og nógv fólk síggja fram til dystin, har meistaraheitið verður endaliga avgjørt.

Leygarmorgunin kl. 10:00 bjóðar býráðið inn til morgunmat í KÍ-høllini, har møguleiki verður fyri at koma í KÍ-stemning við eitt nú tónleiki, andlitsmáling, kaffi, sunkist, wienarbreyði og tippikapping.

- Hugskotið við degnum er, at vit fáa samlað so nógvar KÍ-fjepparar og helst allan býin, nú seinasti dystur í árinum verður spældur í Gundadali. KÍ hevur so ótrúliga nógv at siga fyri okkara bý og allar Norðoyggjar, og tí er einki meir nátúrligt enn, at vit standa saman um eitt tiltak sum hett og fáa øll við til at heppa á okkara spælarar. Sum áskoðarar mugu vit geva teimum allan tann stuðul, vit megna, so vit veruliga seta dám á Gundadal hendan avgerandi finaludystin hjá KÍ, sigur ein spentur borgarstjóri.

- Tá ið borgarstjórin ringdi og segði, hvat hann hevði hugsað, so søgdu vit ja beinanvegin, tí hetta er vigtigasti dystur í árinum – kanska í 20 ár, sigur Eyðun Thorgeirsson, nevndarlimur í Bláu Bylgjuni, sum eisini heitir á øll KÍ viðhaldsfólk um at møta fjølment.

- Tað er gleðiligt, at eitt slíkt tiltak verður stáplað upp á beinini. Vit eru øll spent, og sum formaður í KÍ fegnist eg um, at áskoðarar altíð bakka so væl upp um KÍ og vilja KÍ so væl. Tað hevur týdning fyri felagið, og sjálvur haldi eg, at tað hevur eisini sera stóran týdning fyri alla kommununa, sigur formaðurin í KÍ, Tummas Lervig.

Tiltakið er lagt til rættis av Klaksvíkar kommunu saman við Bláu Bylgjuni og KÍ, og vóna fyrireikararnir at síggja nógv fólk til hesa hugnaløtu.

Lýsing
Seinastu tíðindini
Sheep latið nýggjan handil upp í Klaksví…
Karl Olivar Bærentsen hevur sjey FM við…
Framsýning í Galerie Focus
Mini-Zoo í Klaksvík
Magnus Norðberg kann javna og taka metin…
Nú má tað verða well
Karlamagnus ikki á flot í dag
Triði partur: Fram við landi í Fugloy
Áheitan á SSL um samferðsluna í Kalsoynn…
Ókeypis summarhugni í Klaksvík
Summar­tiltøk í Mikladali
Annar partur: Um Heltnina og Eysturhøvda
Ferð sett á endaligu fyrireikingarnar
Nýggja ljósskipanin tænir ikki borgarunu…
Fram við landi í Norð­oyggjum
Utøya
Lívssøgur úr føroysku náttúruni
Í hernað ímóti lodna hóvblaðnum
Magnus Norðberg kann taka bæði metini á…
Leikur og leskiligur biti á Eðge í  Mikl…