Tann næsta vikan verður sera spennandi har ein sann FM finala verður í Gundadali leygardagin ímillum B36 og KÍ har vit skulu vinna ella spæla javnt fyri at gerast Føroyameistarar fyri fyrstuferð í 20 ár.

Verturin til veitsluna verður eingin annar enn Rudolf Joensen sum uttan iva klárar at fáa okkum øll í góðan hýr. Vit koma ikki at sita svong, tí Gepetto kemur at borðreiða eina leskiliga 3-rættaða matarskrá.

Á pallinum koma tit at uppliva undirhald og Dynamitt Hit! eisini verður ymiskt annað sum vit ikki fara at avdúka fyrr enn á veitsluni. Myndaboks verður í høllini har tit kunnu ogna tykkum eina stuttliga mynd sum minni frá veitsluni.

Sjálvandi verður dentur lagdur á fótbóltsárið har høvuðsvenjarin hjá Betri Monnum Mikkjal Thomasen kemur at taka saman um. Vit fara eisini at heiðra bestu leikararnar hjá monnum og kvinnum.

KÍ Kvinnurnar eru aftur Føroyameistarar eftir tvey ár uttan gullheiðursmerkið og tær skulu heiðrast fyri sítt megnar avrik.

At enda spæla Fourmenh til dans og DJ-Cool vendir plátum.

Seinasta freist at keypa atgongumerkið er mikudagin 23. Okt. kl. 18.

Vit vóna at so mongu sum gjørligt koma at standa saman um KÍ leygardagin í Gundadali og hittast aftur í veitsluhýri í badmintonhøllini kl. 19.