Nýggi bygningurin bygdur við rekord ferð
Tað er ikki oftari enn so, at vit hoyra um bygging sum gongur skjótt, væl úr hondum greitt og til ein rímiliga bíligan penga, men soleiðis kann ein av sonnum siga um nýggju eindina hja Fjallafípuni úti í Grøv.
Tá skipað varð fyri móttøku í gjár kom fram, at verkætlanin var framd fyri 4,2 mió. kr. Verkætlanin fevndi um hús í tveimum hæddum á í ált 310 fermetrar, har onnur hæddin er fult innrættað. Umfram húsið, er eisini snøgt parkeringspláss gjørt og vegurin niðanfyri til Fjallafípuna er breiðkaður, so atkomumøguleikarnir eru gjørdir munandi betri.
Umframt bíligu verkætlanina, so kann ikki sigast annað, enn at verkætlanin er gjørd við rekord ferð. Arbeiðið byrjaði í mars í ár, og longu nú - gott 7 mánaðir seinni - er verkætlanin liðug og klár at taka í nýtslu.
Tað er ikki oftari enn so, at almenn bygging kann gerst bíliga og við slíkari ferð, men her hevur hepnast væl.
Kanska teir í Havn kundu lært okkurt av hesum.