Lýsing
Lýsing

Formaðurin í Tjóðveldi andøvur ímóti, men Bjørt er opin fyri semju

SKRIVAÐ: John William Joensen  |  07.11.2019 - 18:05 Politikkur

Forkvinnan í vinnunevndini, Bjørt Samuelsen forkvinna í Vinnunevndini, legði stóran dent á at tað vóru nógvir partar av uppskotinum hjá landsstýrinum, sum løgtingið kundi semjast breitt um.

Baði í morgun og seinrapartin hevur formaðurin í Tjóðveldi lagt eftir Norðlýsinum, sum fær stóra ábyrgd av at hansara polittiska barn – uppboðsølan – nú ongan góðan tykist eiga.
 
Formaðurin í Tjóðveldi tók sær sjálvum alla æru av at heimaflotin seinastu árini hevið fiska nógv og at tað m.a. gekk gott í norðoyggjum.
 
Í løgtinginum verður framvegis dúgliga kjakast um ætlaðu broytingarnar sum nývalda samgonga hevur boða frá.
 
Tá undanfarna samgonga bleiv skipað, stóð í samgonguskjalinum at ”Farast skuldi frá politiskari útlutan til eina marknaðarstýrda skipan”.
 
Hetta tulkaði formaðurin í Tjóðveldi, sum at alt fiskatilfeingi skuldi seljast um eina uppboðssølu, hóast tað frá byrjan var greitt at tað var ikki meiriluti fyri hesum í samgonguni ella í løgtinginum.
 
Serfrøðingabólkurin sum táverandi landsstýrismaðurin sett at gera eina nýggja skipan fyri fiskivinnuna, fekk greitt vita frá landstýrismanninum at teir skuldu  einans viðgera  eina skipan við eini uppboðssølu. Eisini tá serfrøðinganevndin heitti á landsstýrismannin  um at sleppa at viðgera aðrar møguleikar vísandi til at politisk undirtøka var ikki í tinginum. Men landsstýrismaðurin helt fast um sítt  og tað sama tykist at koma fram í løgtinginum í dag brúkti stóran part av talitíðini til ræðumyndir og at hyggja aftureftir har hann høgdi til vinstru og høgru at ábyrgdast fyri tað hann ikki megnaði.
 
Hetta var í stórari andsøgn til forkvinnuna í Vinnunevndini, Bjørt Samuelsen, sum var jalig í viðger sínu av ætlaðu broytingunum, sum nýggja samgongan ynskir at fremja.
 
Jákup Mikkelsen úr Fólkaflokkinum spurdi Bjørt Samuelsen,  um Tjóðveldi kundi tikið undir við eini semju har uppboðssølan ikki var ein partur, men tað vildi forkvinnan ikki svara uppá, men hon segði seg verða sera jalig fyri at fáa almenn arbeiðspláss flutt út um landi.

Formaðurin í Tjóðveldi brúkti nógva orku at tosa um hvussu væl tað gekk í Klaksvík. Tað ger tað eisini, men einki var nevnt um at miðstaðurin spolar avstað frá restina av landinum. Niðanfyri endurgeva vit nýggjastu tølini frá Gjaldstovuni um skatta inntøkurnar hjá nøkrum av stóru kommunum kring landið og fólkatalið í ymisku økjunum. Tey vísa veruleikan.

Lýsing
Seinastu tíðindini
Hesum kann KÍ møta í Champions League
Sambýlið í Bøgøtu verður umskipað
Hentar og hondgjørdar jólagávur í Klaksv…
Lat djúpvatnstrolarar­nar fáa tonsini
Rósa spyr um børn og ung við álvarsligum…
Steffan spyr Kaj Leo um fosturtøkur
U21-lands­dystu­rin er avlýstur
Jólalig bindicafe
Navision fyri bókhaldarar - 5 pláss eft…
Magnus spyr um Novo Nordisk grunnin og s…
Jenis á krossferð
Øll byggifrøði­útbúgvingin kann nú takast…
Fiski­vinnan úr ymiskum sjónarhornum
Samgongan ríkar tey ríkastu
Bjørt spyr Helga um dálking við plásti
Skatta­listin 2018 liggur alment frammi
Graviarbeiðið heldur fram eftir Heygaveg…
Taptu 3-0 hóast væl frægari hugburð
Teir rokast á útróðri
Fuglakanningarstøðin hevur brúk fyri hjá…