Lýsing
Lýsing
Lars Rohde er forstjóri í danska tjóðbankanum, sum í dag hevur almannakunngjørt greining av føroyska búskapinum. | Mynd: Danmarks Nationalbank

Tjóðbankin: Kommunurnar mugu fáa greiðari karmar

SKRIVAÐ: Johnny í Grótinum  |  13.11.2019 - 11:50 Tíðindi

Sambært danska Tjóðbankanum hava føroysku kommunurnar ov fríar teymar at økja almennu útreiðslurnar.

Í nýggjari greining frá danska Tjóðbankanum verður nakað gjørt burtur úr fíggjarligu kørmunum hjá føroysku kommununum. Eitt nú verður staðfest í greiningini, at ein týðandi partur av økingini í almennum størvum síðan 2013 er innan fyri tær einstøku kommunurnar.

Kommunurnar eiga at sleppa at spara upp

Bankin vísir á, at verandi búskaparligu karmar økja um vandan fyri, at kommunurnar viðvirka til seta meira ferð á búskapin í hákonjunkturinum. Kommunur sleppa t.d. ikki at spara upp til komandi ár, men skulu brúka eitt møguligt avlop í fíggjarætlanini til antin lægri skatt, nýggjar útreiðslur ella íløgur.

Búskaparligu karmarnir hjá kommununum tarna møguleikunum hjá landsstýrinum at føra ein støðufestandi fíggjarpolitikk.

Greiðari karmar fyri kommunala geiran

Tjóðbankin mælir tí til at skipa karmarnar kring fíggjarpolitikkin av nýggjum við tí endamálið at styrkja búskaparstýringina framyvir.

Tað kundi latið seg gjørt við at broytt stýringina av kommunum og lagt fíggjarætlanirnar hjá landsstýri og kommunum fastar í bindandi avtalur. Ein slík nýskipan kann virka við til, at tann búskaparliga menningin verður støðugari framyvir.

Staðfest verður í greiningini, at kommunurnar røkja ein vaksandi part av almenna geiranum, men at í mótsetning til støðuna í Danmark eru ongin mørk fyri útreiðsluvøkstrinum hjá kommununum. Í Danmark verður útreiðsluvøksturin hjá kommunala geiranum lagdir fastur í árligum fíggjarætlanarsamráðingum millum land og kommunur.

Lýsing
Seinastu tíðindini
Í seks ár hava Bústaðir bygt fimm vanlig…
Eingin amerikansk hernaðarstøð í Føroyum
Carla Sands vitjaði Norðlýsið
Nýggjur Christian í Grótinum
Grind eigur at verða hildin til
KÍ á Tórsvølli sunnudagin
Brúdleyp - Valborg og Dánjal
Kappingin um løgmanssteypið byrjar við s…
Størri byggifyritøkur og smærri - neyðug…
Gøtu kirkju ungdómskór
Lands­stýrið vanvirðir Løgtingið og stýri…
Floksmannadagar í Hattarvík - eitt uppli…
Væl skipaður ferðafólka­flutningur
Koronologiskur filmsfestivalur hjá Tjóðp…
Ótakk var lønin hjá reiðaranum
Semja millum Fíggjar­mála­ráðið og Maskinm…
Saman loysa vit bústaðartrotið
Die Gedanken sind frei!
Føroya vakrasta hálvmaraton 2020 verður
Gloym okkum ikki heilt