Nýggi bygningurin liggur á Biskupstorgi og hann tekur seg væl út. Sera snotuligur við serstakari góðari útsikt.

Einar Tróndargjógv er nýggjur leiðari á deildini hjá BankNordik í Klaksvík. Hann beyð vælkomin og greiddi frá um ætlaniniar og virksemi hjá BankNordik. Einar takkaði starvfólkunum, ið høvdu verið við í tilgongdini at gera bygningin.

Einar segði soleiðis:

Eg skal vegna starvsfólkini her á deildini bjóða tykkum øllum at hjartaliga vælkomnum í okkara nýggja banka.  Eg eiti Einar Tróndargjógv, og eg eri nýliga settur í starvið sum leiðari her á deildini. So fyri meg er hetta ein heilt serligur dagur.

Hetta er eisini ein løta, sum vit starvsfólk hava glett okkum ómetaliga nógv til. Tilgongdin at fáa nýggan banka hevur verið eitt sindur drúgv, men nú standa vit her í ljósu og snotiligu hølunum, sum vit eru sera væl nøgd við. Sum starvsfólk hava vit eisini fingið møguleika at seta okkara fingramerki á nýggju deildina, og tað eru vit bæði fegin um og takksom fyri.

Hóast vit bara hava verið til arbeiðis í nýggja umhvørvinum í nakrar heilt fáar dagar, kenna vit okkum longu sum heima, og vit gleða okkum til at fáa ein gerandisdag her á staðnum, og til at bjóða okkara kundum vælkomnum

Einar gav síðani Turið F. Arge, rakstrarstjóra í BankNordik orðið og hon fegnaðist m.a. um nýggja bygningin hjá BankNordik.

Jógvan Skorheim, borgarstjóri helt síðani røðu og gleddist um miðbýin sum veksur í vavi. 

Vit lata myndirnar niðanfyri tala