Lágtrýstið, sum dregur alla luftin til sín, hevur tikið eina somu leið, sum spátt varð í gjár. Í hesum døgum koma lágtrýstini nær Føroyum. Taka tey eina aðra leið, sum bert er beint við síðuna av tí , sum mett varð, so verða allar forsagnir gjørdar til skammar.

Jú, viðhvørt skal ikki nógv til…

Sum tað sær út nú, so vendir ættin upp í norðan klokkan 20 í kvøld. Vindferðin er ikki nógv – heldur ikki eftir at høgættin er komin.

Í morgin fer ættin at liggja ímillum vestan og norðan. Lítil og eingin vindur.

Mánanáttina fer ættin eystur um norðan aftur – har sum hon hevur ligið mestum út í eitt síðan áðrenn Ólavsøku.

Fyrstu dagarnar í næstu viku fer ættin at liggja ímillum norðan og eystan. Ikki nógvur vindur – ikki upp um 10 m/s.