Ársins leikari í gipsi komandi tíðina
Jóannes Bjartalíð skal binda frið komandi vikurnar.
23 ára gamli Jóannes Bjartalíð, sum í 2019 bleiv føroyameistari, toppskjútti hjá KÍ, ársins leikari hjá KÍ, ársins leikari í Betri Deildini og fekk sínar fyrstu A-landsdystir, harav fleiri sum dagsins leikari, skal ganga við gipsi næstu vikurnar eftir ein skaða, sum hann fekk í 1. umfari í ár í dystinum móti HB.
- Eg fekk eitt lítið brot í bátabeinið í hondini eftir nærdyst móti HB í 1. umfarinum 10. mars. Eg skal ganga við gipsi á arminum og hondini komandi 6-7 vikurnar. Eftir tað skal eg í skannara at vita, um neyðugt verður við skurðviðgerð, sigur Jóannes Bjartalíð við Norðlýsið.
Áskoðararnir sum hava fylgt væl við hava eisini sæð, at Jóannes hevur spælt við einum bindi um hondina allar dystirnar í ár.