Hans Berg Hammar takkar fyri seg í starvinum sum leiðari hjá Reyni Service í Klaksvík eftir drúgvt áramál. Í hansara stað kemur Rúni Klein Joensen. Reyni Service skipaði fyri almennari móttøku í hesum sambandi í teirra snotuliga bygningi. 

Eivind av Reyni, stovnari og fyrrverandi stjóri í Reyni Service beyð vælkomin og helt síðani eina røðu. Eftir hetta sungu tey úr 17 sangarum tveir sangir og síðani fekk Sámal av Reyni stjóri orðið og helt hann eisini eina røðu. 17 sangarar sungu síðani aftur nakrar sangir. Kórið er stjórna av Jógvan við Keldu og til stuttleikar kann nevnast at sama kór sang tá bygningurin hjá Reyni Service í Klingurgarði varð tikin í nýtslu í 2008. 

Eivind av Reyni handaði síðani blómutyssi til ávíkavist Hans Berg Hammer og Runa Klein Joensen

Eftir hetta varð bjóða til ein betri bita har nógv leskiligt var at fáa. Tey mongu uppmøttu fingu gott høvið at heilsa uppá Hans Berg Hammer og Rúna Klein Joensen, umframt at fáa fleiri hugnalig prát henda fríggjadag seinnapart.