Mjølnir vunnu móti ÍF
15 ára gamli Ólavur Johannesen leikti á fyrsta sinni við besta liðnum hjá Mjølnir og tað kom hann væl frá. Mjølnir vunnu 3 - 0 á ÍF í høllini á Kambsdali sunnudagin.
Teir ungu leikararnir verða javnt og savnt slúsaðir inn og fáa sær harvið virðismiklar royndir. Teir sleppa at smakkað uppá toppflogbólt og tað ger bara drívmegina enn størri. Tað verður lagt nógv orka í, at menna eitt nýtt ættarlið av leikarum, at taka yvir tá teir eldru gevast.
Venjingarmentanin hjá Mjølnir er á sera høgum støði, har venjarin Phil Freere veruliga hevur lyft støðið kring alla fyrireiking til dystirnar, so leikararnir og liðið altíð er klárt tá fyrsti bóltur verður servaður.
Settúrslitini vóru: 25-16, 25-21 og 25-23
Mjølnir liggur á odda í landskappingini við 14 stigum