Ein tíma ella so seinni kemur eitt samanrunnið brúgvalag til Føroya úr útsynningi. Tað rakar fyrst Suðuroynna, men nakrar tímar seinni – t.e. umleið klokkan 19 – er regn ella vátakavaavfall um alt landið. Saman við tí veksur vindurin.

Á midnátt er vindferðin komin upp í 15 til 20 m/s, og ættin er farin upp í høgan eystan.

Miðjan á hesum lágtrýsti fer tvørtur um sunnara part av Suðuroy tíðliga í morgin ári, og tí verður meiri vindur norðanfyri enn í teirru sunnaru oyggjunum – longur norði, meiri vindur. Vindferðirnar í hesum tíðindatíðindum er metti vindurin norðanfyri.

Eftir midnátt er vindurin vaksin upp í 18 til 23 m/s klokkan 3 og upp í 20 til 25 m/s eftir klokkan 8 í morgin ári. Nógvi vindurin heldur fram allan morgindagin – tó at hann minkar niður í 20 m/s eftir middag. Ikki fyrr enn seint í annaðkvøld sæst ein munandi minking í vindinum.

Hitalagið hetta vikuskiftið fer kvinka seg eitt sindur uppeftir – úr 1 til 2 stigum og eini 2 ell 3 stig uppeftir. Avfallið – regn ella kavi – verður eftir hitalagnum, sjálvandi.

Mánanátt og mánamorgun minkar javnt og samt. Á middegi mánadagin er vindferðin komin niður í 5 m/s av útnyrðingi-norði. Líkasum tað var í gjárkvøldið. So fer hann at mala úr ymsum ættum seinnapartin mánadagin – líkasum hann ger í løtuni. So verður ættin landsynningur, vindurin veksur o.s.fr. – júst sum í dag og í nátt. Soleiðis endurtekur veðrið seg í hesum døgum. Meiri um tað í morgin og mánadagin.