Olshana eftir 12 ár á havsins botni
2. august 2007 rendi Olshana á Flesjarnar á Tangafirði. Nógv hevur verið tjakast um síðani, at skipið hevði júst bunkra 250 tons av ráolju.
Vikmar eXplorer hevur nú verið ein túr við vrakið 8.12 og hevur sent eina dronu niður at hyggja hvussu til stendur.
Jan H. Egholm, stjóri á Vikmar sigur við norðlýsið, at vrakið sær sera gott út. Ført hevur verið fram, at tað fór at søkka niður í móruna har, men í tí er ikki nógv hent hesi 12 árini Olshana hevur ligið á havsins botni. Gamaní er afturparturin sokkin nakað niður, men vit máldu dýpið har Olshana liggur til at vera 76 metrar og dýpið niður á brúgvatakið var 61 metrar, so umleið 15metrar av skipinum er omanfyri móruna.
Sum sæst á myndunum, so sær skipið enn gott út, so tað sær næstan út til at man kundi farið niður at pumpa oljuna upp.
Norðlýsið hevur fingið myndirnar frá dronuni, sum síggjast her: