Tað hevur ljóða at Posta ætlar at niðurleggja deildina í Klaksvík, tá flutt verður úr posthúsinum í Klaksvík. Posthúsið í Klaksvík skal umbyggjast til mentanarhús og í hesum sambandi hevur ljóða at Posta ikki ætlaði at halda fram við at hava deild í Klaksvík.

- Hetta er ikki rætt. Vit hava ongar ætlanir at niðurleggja deildina í Klaksvík og fara sjálvsagt at halda fram við at veita klaksvíkingum eina góða tænastu, segði Joel undir Leitinum í stuttari viðmerking.