Beint sum tíðindini bórust í KVF um stóru torvuna á laksi sum skuldi svimja á Vágni. Fóru vit, sum hava fylgt við í økinum at undrast. Flestu mundu vita um allan seiðin, ið hevur verið á Vágni nú í langa tíð og ikki minst skarvurin, sum í nógvar vikur hevur gjørt sær dælt av hesum tilfeingi. Tá eg hugdi at myndunum hjá Kringvarpinum í gjárkvøldið, var ringt hjá mær at koma til at hetta skuldi vera laksur. Tó myndirnar vóru nakað ótíðuligar. 

Beint eftir miðdag í dag, fóru vit so oman á bátabrúgvarnar at hyggja. Jú, har svam ein stór torva av seiði, ella murtum, sum myndirnar vísa. Vit drippaðu dorgina niður í og tað var á beinan vegin "Havnalaksur".

Løgið at KVF ikki ger betur dokumentatión áðrenn teir har standa uppá  við einum serfrøðingi sum bjálva, at tað var laksur. Hetta setti sjálvandi stórt arbeiði í gongd hjá Bakkafrost, ið er einasti alarin her. Kanningarnar hjá teimum og órógvið hevur verið nógv, helst hava kavarar og onnur starvsfólk kosta alirisanum nógvan pening í gjárkvøldi og í dag, tí KVF gitti, at "laksurin" hjá teimum var komin frá alingini á Pollinum.

Hví mundi KVF ikki senda "Ferðaliðið" til Klaksvíkar at kanna um tað yvirhøvur var nakað í søguni, áðrenn teir langaðu eina slíka sensatión út í luftina?