Lítil vindur – og tað er vanligt ímillum lágtrýstini, tá ið eitt er farið framvið, og tað næsta ætlar sær framat. Fyribrigdið kallast ein hátrýstryggur; kann eisini vera ein saðil.

Hitalagið er farið at kvinka seg uppeftir. Hitin á middegi í dag er 2-3 stig – í gjár var tað um frostmarkið.

Seinnapartin í dag fer vindurin at veksa eitt sindur. Um nátturðatíð í kvøld er vindferðin 8 til 12 m/s. Tá fer ættin niður í sunnan og síðani ímóti útsynningi, og vindurin veksur upp í 12 til 17 m/s. Í nátt fer vindurin at minka niður í 3 til 8 m/s.

Eitt brúgvalag er á veg vestaneftir. Tað er ætlandi yvir okkum um 16-tíðina. Tað fer at liggja yvir okkum til eina ferð seint í kvøld. Við vaksandi hitalagið kann væntast, at tað er eitt bland av regni og vátakava ta fyrstu løtuna, sum kemur úr brúgvalagnum. Seinni er tað helst bert regn.