Í Pressuni í morgun, royndi Georg L. Samuelsen framhaldandi at tvíhalda um, at viteoupptøkan, sum KVF kunngjørdi at vera laks frá Bakkafrost, veruliga var laksur.

Høvdu tey í KVF ómakað sær at hugt orduliga eftir videoupptøkunum, so høvdu tey beinan vegin verið varug við at hetta er seiður. Fiskurin á myndini omanfyr er á veg tll høgru út um "kúlustevnið" hevur tíðuliga tvinnar stórar ryggfjarðar, sum seiður hevur. Laksur harafturímóti hevur bert eina stóra og so eina lítla fitifjøður aftalaga á sporlinum.

Tá KVF nú hevur góðtikið tað, Regin á Bakka hevur sagt teimum, at "havnasmoltini" ikki eru komin frá teimum, so kundi Georg L. Samuelsen passandi greitt okkum frá, hvar hesi smoltini so skuldi verið komin frá.

Tað var millum annað hendan myndin, sum gjørdi at eg var sannførdur um at hetta var seiður og tí fór við øðrum serkunnugum í fiskifrøði oman á bátabrúgvarnar at royna at fiska, og væl bar til. Sigast skal eisini, at ongin annar enn útvarpsmanningin higartil hevur sæð "Havnalaks" á Vágni.