KRF skrivaði soleiðis:

Góð tíðindi úr Prag. Úr KRF hevur Brandur Kjølbro umboðað Føroyar í EM í inniróðri. Í morgun róði hann 2000m við tíðini 6:14.08. Hetta man verða besta tíðin, sum Brandur nakrantíð hevur róð? Avrikið rakk til eitt 13-inda pláss í bókinum 19-23 ár. Brandur er 18 ár.

Seinnapartin róði hann ein spurt uppá 500m við tíðini 1.23.5. Hetta rakk til eitt fyrsta pláss. Hjartaliga til lukku.

Luttakararnir úr Føroyum hava sum heild klárað seg sera væl, og fleiri heiðursmerki eru vunnin. Til lukku øll somul.

Seinni í januar verður DM, og til hesa kapping fer Elisabeth Sigurðsson úr KRF at umboða Føroyar.

Brandur skal aftur í eldin í februar, tá ið HM verður í París.