Lýsing
Bergur Jacobsen | Mynd: Dávur Winther

Um eg skilji tað!

SKRIVAÐ: Bergur Jacobsen  |  15.01.2020 - 18:59 Bloggur Tíðindi

Nú eri eg ikki av teirri fatan, at mín meining er tann einasta meining nøkur meining er í, MEN!

Sum øllum føroya fólki kunnugt, so er løgtigið ikki ført fyri at hugsa longur enn frá einum tunnilsmunna til hin munnan. Tingið gjørdist stórliga bilsið tá Norðoyatunnilin knappliga kom upp í Leirvík, og tingið hevði gloymt at ferðslan gjøgnum Skálafjarðartunnilin skal gjøgnum bygdu økini við Skálafjørðin og ov byrjaða ferðslukervið í høvuðsstaðarøkinum. Í tinginum eru tunnlar bara hol, ið byrja einans byrja í einum enda og enda í hinum endanum, dermed basta.  Men, veruleikin sær, sum kunnugt, ørvísi út. Ferðslan skal í tunnlarnar og úraftur tunnlunum!

Nú eru tey so farin undir stórsta tunnilstiltakið nakrantíð, sum er Sandoyartunnilin, og samstundis bora tey ein nýggjan tunnil millum Tvøroyri og Hvalba. Eisini hesir tunnlarnir eiga at verða sæddir sum partar av eini størri heild, og ikki bara sum strikur frá punkt a til punkt b.

Sandoyartunnilin einsamallur er helst reinur búskaparligur ørskapur. Men, um Suðuroyggin verður tengd afturat hesari ætlanini, so er helst ein meining í galskapinum. Og sambandið millum Sandoyartunnilin og nýggja Hvalbiartunnilin eigur at verða gagnnýtt nú beinanvegin.  Grót er ov mikið av í báðum tunnlunum (um tað er av hóskandi slag, veit eg ikki), hví ikki skipa fyri eina einari ferjulegu í Hvalba nú beinanvegin, og somuleiðis einari á Sandoynni?  Hví ikki lata tunnlarnar gera eina veruliga nyttu nú beinanvegin, og sambinda Suðuroynna við meginøkið, umvegis Sandoyartunnilin?

Tað er sjálvandi ikki ókeypis at gera ferjulegur í Hvalba og á Sandoynni, men Smyril er gamal og fer at krevja fleiri og fleiri ábøtur, og skal helst skiftast út áðrenn langt um líður. Og farleiðin gevur jú stórt árligt hall, samstundis sum hon er lítið hóskandi fyri eitt nútíðar samfelag, har títtleiki í sambandinum er ein fyritreyt.

Sjálvt um fyrireikingar fara í gongd nú, so ganga tað eini 10, 15, 20 ár áðrenn Suðuroyartunnilin verður ein veruleiki, og í meðan so noyðast suðuroyingar at taka til takkar við síni elskaðu gomlu dangu, sum hvørt ár verður avloyst av eini enn eldri dangu.

Um tingið í staðin sá ferðslukervið í Føroyum sum eina heild, og gagnnytti endamálið við Sandoyartunnlinum, so átti ein ferjulega til suðuroyarleiðina at staðið liðug á Sandoynni, samstundis sum Sandoyartunnilin verður tikin í nýtslu, og somuleiðis ein onnur ferjulega í Hvalba (ella har tað er hóskandi á Suðuroynna). Samstundis skuldi tingið útvega eina minni ferju, sum kann sigla minst seks ferðir millum Sandoynna og Suðuroynna allar gerandisdagar, umframt vikuskiftini, og útvega eina ferju afturat til avloysaraskip og til tá trýst er á leiðini.

Hendan leiðin er onki garanti móti sjóverki, tíverri! Men, leiðin verður munandi styttri sjóvegis, og við minni skipum, kanska eisini meira álítandi í nógvum vindi. Skipanin kann so halda framm til Suðuroyartunnilin einaferð  verður ein veruleiki, og skipanin verður helst bíligari enn núverðandi árliga rakstrarískoytið, og ein evt. nýggjur Smiril. Tað er ein fortreyt fyri trivnaðinum í Suðuroynni, at hon fær títtari samband við meginøkið, soleiðis er tíðarandin.

Eg skilji ikki, at okkara fólkavaldu, ikki hugsa hesa leiði sum eina heild, og fara í gongd, nú beinanvegin og fyrireika ferjulegur og nýggj minni skip, sum kunnu flyta Suðuroynna inní nútíðina, so skjótt sum Sandoyartunnilin er liðugur.

Tað eru sjálvandi tey, ið óttast fyri at eitt ferjusamband millum Suðuroynna og Sandoynna, fer at seinka ella forða fyri einum Suðuroyartunnli.  Uppaftur onnur vilja heldur sleppa beinleiðis til Havnar, heldur enn at ferðast um Sandoynna. Eg vænti kortini ikki at eitt slíkt ferjusamband verður nøkur forðing fyri einum Suðuroyartunnli. Tá eg búði á Sandoynni fyri fjøruti árum síðandi fóru tey so smátt at tosa um samband til Kirkjubøar.  Tá vóru tað mong ið hildu at frægast mundi kortini vera, at koma beinleiðis til Havnar.  Í dag er tað neyvan nakar ið saknar Kirkjubønes!

Sum longu nevnt, so eri eg als ikki av teirri fatan, at mín meining er tann einasta meining, sum nøkur meining er í – men, eg skilji kortini ikki at Sandoyartunnilin og nýggi Hvalbiartunnilin ikki verða hugsaðir, sum ein heild, og ein nýggi farleið millum Suðuroynna og meginlandi beint nú, áðrenn nýggjar og dýrar íløgur skulu gerast í ein nýggjan Smyril.

Lýsing
Bloggarin
Bergur Jacobsen
Pensionistur

Bergur Jacobsen er føddur og uppvaksin á Stongunum í Klaksvík. Útbúgvin prestur frá Chichester Theological College, University of Southampton. Hevur verið prestur á Sandi, við donsku Kirkjuna í London, i Ordrup og í Føroysku Kirkjuni í Keypmannahavn. Starvaðist í Útvarpinum í átta ár, og var landstýrismaður fyri Sjálvstýrisflokkin í tvey ár. Bergur hevur ongantíð sæð ein heilan fótbóltsdyst, men spælt í nógvum hornorkestrum. Bergur hevur eisini verið blaðstjóri á Norðlýsinum og á Tingakrossi eitt stutt skifti.

Hvør bloggar
Durita Poulsen
Cand. Mag & PBA í føðslu og heilsu

Durita Poulsen hevur eina bachelor í heilsu & føðslu og kandidatútbúgving í læring og menningartilgongdir frá Aalborg Universitet. Hon hevur búð í Keypmannahavn síðani 2012.  

Durita hevur stóran áhuga í heilsu og vælveru hugtakinum, og fer at umrøða heilsu út frá einum breiðum perspektivið ella tað vit kenna sum; fysisk-, psykisk- og sosial heilsa.

Tískil verður kostur og rørsla umrøtt, men eisini hin síðan, at vit skulu minnast til at eingin er perfekt, at droppa ’alt ella einki’ mentalitetin og at hugleiga um tankameldur og annað ið kemur við heilsurákinum.

 

Sólfinn Hansen
Cand.Mag. & bac.scient.pol.

Sólfinn Hansen er føddur í 1978 á Klaksvíkar Sjúkrahúsi. Hann er upprunaliga úr Klaksvík, nú búsitandi á Kambsdali. Hann er útbúgvin cand.mag. í føroyskum og søgu og B.S.Sc. í stjórnmálafrøði. Hevur síðani 2003 undirvíst á studentaskúla, HF, handilsskúla, tekniskum skúla og á Fróðskaparsetrinum. Sólfinn er limur í Málráðnum.

Bergur Jacobsen
Pensionistur

Bergur Jacobsen er føddur og uppvaksin á Stongunum í Klaksvík. Útbúgvin prestur frá Chichester Theological College, University of Southampton. Hevur verið prestur á Sandi, við donsku Kirkjuna í London, i Ordrup og í Føroysku Kirkjuni í Keypmannahavn. Starvaðist í Útvarpinum í átta ár, og var landstýrismaður fyri Sjálvstýrisflokkin í tvey ár. Bergur hevur ongantíð sæð ein heilan fótbóltsdyst, men spælt í nógvum hornorkestrum. Bergur hevur eisini verið blaðstjóri á Norðlýsinum og á Tingakrossi eitt stutt skifti.

Seinastu tíðindini
Klakkur á veg yvir til Eystur­grønlands
Korona hevur ávirka okkum nógv
Koronatiltøk­ini í Almanna­verki­num linka…
Ingibjørg tulkar Janus Djurhuus
10. hvør føroyingur er nú kannaður
Eingin persónur staðfestur smittaður sei…
Korona-vegleiðing ávegis
Eiðis kommuna skipar fyri netbingo
Tøk lestrarpláss
Liviligar loysnir í avmarkingunum
Útstykkingin á Fossum – sáttmálin er und…
Reyði Krossur takkar stuðlum og sjálvbod…
KÍ hevði knappa millión í áskoðarainntøk…
Klakkur á Klaksvík
Ítróttarkapp­ingar kunnu byrja aftur 9. m…
Føroyar lata varisliga uppaftur
Eingin staðfestur smittaður seinasta sam…
Poul F. í Kringvarpi­num á páskum
Svartkjaftur – alternativ inntøka til hj…
Jákup B farin nýggjan túr