Lýsing
Lýsing

Virðislønir valdast

SKRIVAÐ: Árni Dahl  |  31.01.2020 - 11:27 Lesarabrøv Mentan Vinna

Um hálvan januar handaði mentamálaráðharrin virðislønir til teirra, ið hava gjørt vart við seg í mentanarlívi okkara.

Allir virðislønarvinnararnir høvdu heiðurin søtliga uppibornan, og sum vant varð nógv gjørt burturúr, og hátíðarløtan varð varpað út beinleiðis til alla tjóðina.

 

Kr. 150.000 vórðu latnar honum, ið fekk mentanarvirðisløn landsins.

Kr. 75.000 vórðu latnar honum í fekk heiðursgávu landsins.

Kr. 50.000 vórðu latnar einum forlagi sum sømdargáva.

 

Men hetta vóru ikki einastu virðislønir, ið vórðu handaðar í januar 2020.

1. januar handaði fiskimálaráðharrin virðislønir til teirra, ið hava gjørt vart við seg í  høvuðsvinnu okkara.

Virðislønirnar vóru vinnuloyvi, ið veitt vóru fyritøkum fyri eitt tólv ára skeið. (Mett verður leysliga um tølini, og roknað verður við jøvnum býti millum reiðaríini. Hóast tað neyvan er rætt, skuldi samlaða upphæddin verið á góðari leið):

 

Fyri loyvi í Barentshavinum vórðu latnar:

Kr. 320.000.000 til 1. reiðarí

Kr. 320.000.000 til 2. reiðarí

Kr. 320.000.000 til 3. reiðarí

Fyri loyvi til uppisjóvartilfeingið vórðu latnar:

Kr. 1.200.000.000 til 1. reiðarí

Kr. 1.200.000.000 til 2. reiðarí

Kr. 1.200.000.000 til 3. reiðarí

Kr. 1.200.000.000 til 4. reiðarí

 

Øll vita, at summi reiðarí eru at finna í báðum bólkum, og øll vita eisini, at útlendskur ognarskapur er í reiðaríum í báðum bólkum, sum hava fingið kvotuvirðislønir landsins.

Men her hjá okkum var eingin beinleiðis sjónvarping og einki alment hátíðarhald.  Kanska var rimmar gildi í Hollandi? Og á norðurlandinum í Íslandi?

Hví man tað vera soleiðis statt í landi okkara?

Árni Dahl

 

 

 

Lýsing
Seinastu tíðindini
Liverpool Føroyar stuðlar Eydnudeildin v…
Miðhøllin á Skúlatrøð í kvøld: Fiskivinn…
Smæran: Tá ið Karin K fór til Eysturgrøn…
Bræv til Súna Selfoss, formann í Starvsm…
Torradagar og mentan í Klaksvík
Úr barna­garði­num á dansigólvið
Torraskráin mikudag
Tær góvu lív
Njál og lívsleið hansara
Sjúkra­hús-kvettroyndin miseydnaðist
Trupuleikin viðvíkj­andi ræðisrættindu­num…
Útróðurin
Sangløta í Café Gloria 
Njál og Erna – verjin hjá teimum veiku
Hetta er ískøld neyðtøka av Klaksvíkar S…
Hetta er at avtaka Klaksvíkar Sjúkra­hús!
Mentan­arvikan í Runavíkar kommunu
Eg krevji eina treytaleysa umbering, Chr…
Stórt føstulávintshald við Bubu, í Badmi…
ÍF er farið á venjingarlegu í Turkalandi