Lýsing
Lýsing
Lýsing
Kaj Leo Holm Johannesen landsstýrismaður á kurteisivitjan á Klaksvíkar Sjúkrahúsi í november mánaði 2019. Her avmyndaður við stjórunum á ávíkavist SS og KS | Mynd: Dávur Winther

Landsstýrismaðurin svarar ikki upp á brotið sum umsitingin hevur gjørt

SKRIVAÐ: Jóhann Lützen  |  17.02.2020 - 18:39 Leiðarin Politikkur Tíðindi

Tað stendur rimmarfast, at pr. í dag, 17. februar 2020, hevur landsumsitingin í síni leiðslu- og roknskaparskipan strikað stjóran á KS og stjóran á SS sum stovnsleiðarar og hevur harvið tikið fíggjarligu stjóraheimildirnar frá hesum báðum á teirra egnum stovnum, og hevur sett stjóran á LS sum stovnsleiðara ístaðin. Hetta er hent í dag og tað er eitt brot á løgtingssamtyktir!!

Tá ið nýggi bygnaðurin fyri sjúkrahúsverkið varð samtyktur á Føroya Løgtingi, lovaðu allir teir løgtingslimirnir, ið samtyktu hesa skipan, at sjúkrahúsini framhaldandi fóru at hava bæði (1) sína egnu játtan og (2) sína egnu, sjálvstøðugu leiðslu (stjóra), sum framhaldandi fór at stýra hesum viðurskiftum á KS og á SS.

Og líka síðani – til í dag – hevur hetta lyftið verið hildið, men nú kláraðu tey í Havn ikki at bara sær longur, men máttu taka næsta stigið fram ímóti avtøku av KS sum  sjálvstøðugt sjúkrahús við egnum stjóra VIÐ stjóraheimildum og ikki bara við einum heiti sum stjóri.

Tí er tað ógvuliga symptomatiskt og syrgiligt í dag at lesa, at landsstýrismaðurin – eftir at hesar óheimilaðu broytingar eru gjørdar av hansara umsiting – nú hetta brot er uppdagað, kemur fram á torg og tosar uttanum og kallar tað eina ein “tekniskan/løgfrøðiligan trupulleika, at hansara umsiting hevur tikið allar fíggjarligar stjóraheimildir frá Alexandru á Dul, stjóra á KS, og hevur givið hesar heimildir, at stýra øllum pengunum á KS, til stjóran á LS.

Hetta finna vit okkum ikki í,  og hetta  eiga heldur ikki okkara umboð á Føroya Løgtingi at góðtaka undir nøkrum sum helst umstøðum – tí til í gjár stóðu báðir stjórarnir, Hans Pauli Henryson og Alexandra á Dul, skrásettir sum stovnsleiðarar fyri hesar stovnar sínar í fíggjarskipan landsins – men í dag er hetta broytt, Kaj Leo Holm Johannesen, og tað er ikki til at tosa uttanum, tí hetta  merkir, at Alexandra á Dul kann pr. í dag ikki gera av, hvussu játtanirnar á KS  skulu brúkast – tað ger Steinar Eirikstoft, stjóri á LS 

 

Lýsing
Seinastu tíðindini
Gadus siglir heim
Terji tikið sæti á tingi
Hjartastart 2025
Skipið kommunur­nar í størri eindir
U19 lands­liðskapping í flogbólti í Havn…
FM Radio: Tummas og Jógvan vitja Norðlýs…
Vinnulívið netverkar í Rótini
Friður á pallinum: Fleiri atgongumerki s…
Netverksfundur í Rótini: Morgunmatur og…
FM radio á Norð­lýsi­num, 21. okt 2025
Atgongumerkjasølan byrjað
Fleiri lokalir leggjast afturat KÍ-hópin…
Pelagisk rekord: Asbjørn selt fyri 46 mi…
Dansihugni byrjar aftur
Lógin heimilar ikki ætlanini at seta ALS…
Vónbjørt Vang vunnið bókmentavirðislønin…
Vinn atgongumerki til KÍ veitsluna
Klaksvíkar Sjúkra­hús: SAHVA flutt
Felagsdøgurði og pallborðsfundur - almen…
”Gamal nýggjur” filmur um Føroyar