Lýsing

Teir fáa lítlan svøvn fyri tíðina

SKRIVAÐ: Oliver Joensen  |  25.02.2020 - 12:52 Mentan Myndarøð Tíðindi Vinna

Í morgun var eg á støð hjá Norðsøka við tí fyri eygað at fregnast um veiðu og at fáa eina mynd. Men tað gekk ikki júst sum ætlað. Norðsøki hevði 18.000 pund í dag, og stórsti parturin hýsa. Manningin hevur havt úr at gera at kryvja og at taka rogn, so skiparin, Heri Vang leyp í land og spurdi meg um eg ikki kundi hjálpa til við landingini og vera á kaiini og krøkja úr. Manningin hevur ongan svøvn fingið, so tað hevði komið væl við um eg krøkt úr hendan eina til hálvan annan tíman tað tók at fáa fiskin upp úr lastini, so manningin kundi fara í koyggjuna.

So skjótt liðugt er at leggja veiðuna upp, fer Norðsøki at fáa nýggjar stampar umborð og so avstað aftur. Svøvnurin er lítil hjá manningini.

Tað var ikki at siga tvær ferðir. Eg til hús at skifta og so út á kaiina aftur væl útgjørdur. Sjúrður Josephsen stóð við lúkukarmin og stýrdi landingini við fjarstýringini og eg á kaiini og krøkti úr tá fiskurin kom í land í kørum og krøkti í, tá tóm kør og kør við ísi skuldu umborð. - Ein sera hugnalig løta. 

Trukkførarin Kim Joensen var noyddur at taka sær av myndatólinum hjá Norðlýsinum og at taka myndir av myndamanninum og blaðstjóranum í aktión.

Til aðru fyri meg við myndatólinum kom trukkurin við einum platti at hjálpa 82 ára gamla kranførarum í land.

Nú liðugt var, kom skiparin Heri Vang og takkaði fyri hjálpina, treyðugt so, tað bleiv til tvær hýsur og rogn við aftur til hús, tað verður bordin í kvøld. - Nær skiparin sleppur í koyggina veit eg onki um, hann var sjálvur lastamaður meðan vit landaðu

Truckførarin, Kim Joensen, fekk til uppgávu at taka sær av myndatólinum hjá Norðlýsinum og avmynda myndamannin og blaðstjóran í "aktión".

Lýsing
Seinastu tíðindini
Ingibjørg tulkar Janus Djurhuus
10. hvør føroyingur er nú kannaður
Eingin persónur staðfestur smittaður sei…
Korona-vegleiðing ávegis
Eiðis kommuna skipar fyri netbingo
Tøk lestrarpláss
Liviligar loysnir í avmarkingunum
Útstykkingin á Fossum – sáttmálin er und…
Reyði Krossur takkar stuðlum og sjálvbod…
KÍ hevði knappa millión í áskoðarainntøk…
Klakkur á Klaksvík
Ítróttarkapp­ingar kunnu byrja aftur 9. m…
Føroyar lata varisliga uppaftur
Eingin staðfestur smittaður seinasta sam…
Poul F. í Kringvarpi­num á páskum
Svartkjaftur – alternativ inntøka til hj…
Jákup B farin nýggjan túr
Nú sprettir á fold og spírar; nú summar…
Video: Fyrsta føroyska málið í Europa-ka…
Ítróttafeløg­ini missa milliónir