Andru Poulsen, skipari á Stakkavík sigur, at hann er sera væl nøgdur við túrin í dag. Vit settu 33 stampar og størri parturin av veiðuni í dag er toskur.

Sum sæst á myndunum, so er sera nógv í bátinum, lastin er full upp undir karmin og harafturat er nógv á dekkinum.

Nógvi fiskurin við landið hevur skapt nógv virksemi kring Vágna, bátar, útróðrarmenn, egnarar, truckar og bilar eru í so stórum tali, at ilt er at koma fram, bæði við skúrarnar á Stongunum og við NFCS. - Fyri bert tveimum árum síðani vóru hesi økini nærum deyð í bestu útróðrartíð.