Til Fiskamarknaðin hava hesir bátar givið upp veiðu í morgun. Líðhamar 9.600 pund, Bragd 10.400 pund, Norðsøki 16.000 pund, Bjørgvin 6.100 pund og Dalsenni 7.300.

Fyri løtu síðani tosaðu vit við Brand, ið er komin aftur inn ímillum oyggjarnar. Janus Sørensen, skiparin sigur, at teir høvdu 11.000 pund í gjár og júst tað sama í dag, men í gjár vóru um 3.000 toskur, meðan ídag vóru um 5.000 pund toskur.

Vit tosaðu eisini við Anru fyri løtu síðani. Gundur Sørensen skipari segði, at teir vóru farnir út á djúpt eystur úr Fugloynni og vóru júst nú í ferð við at seta. Vit fara at royna um vit ikki fáa nakað av longu her, segði hann og legði afturat, at tað eru gingin fleiri ár síðani hann hevur verið har seinast. Í gjár avreiddi Anru 8.500 pund.