Lýsing
Lýsing

Viðmerking til støðuna við koronasmittuni

SKRIVAÐ: Jákup Ósá  |  08.03.2020 - 16:48 Ítrottur Tíðindi

KÍ hevur sent tíðindaskriv út í sambandi við avlýsing av 1. umfari í Betri Deildini hjá monnum.

KÍ skrivar soleiðis:

Klaksvíkar Ítróttarfelag stendur líka sum onnur feløg spyrjandi nú fyrsti dysturin av røttum skuldi spælast í dag.

FSF tók eina avgerð um at forbjóða áskoðarum at koma til dystin ímillum KÍ og B36. Hesa avgerð tók nevndin hjá KÍ ikki undir við av tí at vit ikki mettu at tað var besti mátin at fylgja tilmælinum frá heilsumynduleikunum uppá.

Um vit valdu at stongja portrini vóru vit vís í at fólk fóru at samlast kring hegnið uttan at vit kundu stýra fólkamongdini.

Vit skiltu at sporleikin á smittuni er mest umráðandi fyri at mynduleikarnir kunnu finna fram til møgulig smittaði.

Vit komu tí til tað niðurstøðu at deila vøllin upp í 4 sonur har allar í alt vera 500 fólk sum heilsumynduleikin tilmælir. Øll atgongumerki verða seld umvegis okkara netskipan har øll skulu upplýsa navn, eftirnavn, tlf nr. og teldupost. Við hesum uppskotinum kunnu vit skjótt og einfalt síggja hvør var í hvørjari sonu um nú onkur skuldi gjørst sjúkur.

Vit sendu FSF hesa ætlan men hoyrdu einki aftur uttan at umfarið var útsett.

Vit undrast á hvussu FSF hevur valt at handfara hesa støðuna uttan at tosa við feløgini, har vit saman kundu funnið eina loysn. Eingin ivi skal vera um at KÍ tekur koronasmittuna í stórsta álvara og vil til eina og hvørja tíð fylgja tilmælunum frá heilsumyndileikanum.

Vinarliga

Nevndin í Klaksvíkar Ítróttarfelag

Lýsing
Seinastu tíðindini
Gloymið ongan
Býráðið skal raðfesta dagstovnaøkið hægr…
Okkara Jólabók
Føroya Bjór ber kyndilin í oddinum!
Stuðuls­lýsing
Vegirnir krossast - við kross Jesusar
Norð­oy­ingar eitt framtakshuga fólk
Nú manglar Páll A. Klettskarð fimm mál
Fýra mál og trý kolldømd mál í tryggum K…
Vegir og asfalt arbeiðir mugu tilrættisl…
Klaksvík – eisini ein barnabýur
Frits í Ribarhúsi í morgin
Ljós yvir søguna um steypið
Nýggj Skjótibreyt í Leirvík
Upptakt: KÍ-ÍF
Gunnvá T á lista C
Pappírsklipp
Covid-19 kannningar bíleggingar­skipan í…
Virðing fyri tínum skatta­kró­num!
Úrslitini av seyða­sýning­ini á Kunoynni 2…