Í dag kom Kjartan Hansen frá Mekanor á Strond við eini brúktari alirammu. Hendan skal brúkast til at betra um atkomumøguleikarnar hjá alibátunum Stígabrúgv, Víkingi, Hans á Bakka og øðrum til stóru smoltstøðina á Strond. Higartil hava skipini verið noydd at passa sær veður, fyri at koma at har, men nú fara møguleikarnir at vera betur.

Kjartan Hansen sigur, at hann hevur sleiðað hesa stóru stálrammuna av Skála og norður í Haraldssund. Tað hevur gingið væl higartil. Arbeiði hjá okkum, sum eftir er, er at leggja hetta ordugliga fast, soleiðis at skipini hjá Bakkafrost trygt kunnu nýta hetta sum atløgubryggju. Hetta kann sigast at vera endurnýtsla av hesum stóra anlegginum, leggur hann afturat.