Lýsing
Lýsing

Foreldur frítikin fyri foreldragjald

SKRIVAÐ: Klaksvik.fo  |  25.03.2020 - 11:52 Tíðindaskriv Tíðindi

Foreldur skulu ikki gjalda foreldragjald, um børn ikki gera brúk av dagstovnaplássinum í tíðarskeiðinum, har dagstovnarnir veita skerda tænastu vegna Covid-19.

Jógvan Skorheim, borgarstjóri, sigur, at tað er ikki rætt at krevja foreldrum eftir dagstovnagjaldi fyri dagar, har teirra barn ikki er á stovni, tá ið orsøkin til, at børn teirra ikki eru á stovni, liggur í og við at kommunan, eftir tilráðing frá landsmyndugleikunum, hevur valt í mest møguligan mun at stongja dagstovnatilboðini í kommununi. Hetta er sama mannagongd, ið nýtt var tá ið námsfrøðingarnir fóru í verkfall.

Hetta merkir sostatt, at kommunan í næstum fer at endurrinda foreldragjaldið fyri hetta tíðarskeið til øll foreldur, sum ikki hava brúkt tilboðið. Í teimum førum, har foreldur hava gjørt brúk av ansing, verður endurrindanin lagað eftir hesum.

Enn er ikki greitt, hvussu leingi henda serliga støða fer at halda fram, men tá tað er greitt, verður gjørt upp, hvussu nógv kommunan skal endurrinda fyri hvørt einstakt barn vegna mista tænastu.

 

 

Tiltøkini halda fram til og við 13. apríl

Landsmyndugleikarnir hava boðað frá, at teir mæla til, at hildið verður fram við verandi tiltøkum ímóti útbreiðsluni av Covid-19 smittuni, herundir at kommunurnar leingja síni tiltøk á dagstovnaøkinum fram til og við 13. apríl.

Í tráð við hesi boð frá landsmyndugleikunum fara dagstovnarnir í Klaksvíkar kommunu framhaldandi at veita avmarkaðar tænastur fram til ásettu dagfesting frá landsmyndugleikunum.

Sostatt verður framhaldandi møguligt hjá foreldrum, ið ikki hava aðrar møguleikar, at fáa síni børn ansaði.

Lýsing
Seinastu tíðindini
Jóla­skipið og Ársins Rósa - ikki í ár
Ingálvur av Reyni endaði sálmasangin í k…
Smoltstøðin á Glyvradali útbyggj­ast við…
Hjálparpakki 2: Í alt fimm milliónir kró…
Hvør er ársins fyrstuhjálpari 2020?
Elsebeth Mercedis Gunnleygsdóttur, lands…
Svarti fríggjadagur nærkast
Klaksvík millum Gentofte og Calcutta (nú…
Hvussu hevur tú tað? 2019
Stórsigur í toppdysti
KÍ vann greipuna fyri 15. ferð
Corona kanningar­nar í Klaksvík flyta oma…
Team Klaksvík tapti móti VÍF
Sjørnan basti VÍF
Jóannes Bjartalíð er opin fyri at fara u…
KÍ vann steypið hjá U17-dreingjum
Jóla­kalenda­rin hjá Klaksvíkar Dansifelag
Signhild og Gunvá stavn um stavn – Tjóðv…
Toppdystur seinnapartin
Hin stóra umrbroytingin