Útróðurin er mest sum steðgaður upp í samband við korona sjúkuna, ið fer um landið. Okkara samfelag hevur roynt at lyft uppundir tey, ið missa inntøku orsakað av at tey fylgja teim boðum tey hava fingið um sóttarhald.

Hetta hevur kosta nógvum pensionistum, sum dagliga trúliga hava møtt upp til egning hjá teimum bátum, ið rógva út við línu.

Pensionistarnir, ið egna eru í vandabólkinum, tí hava teir hildið seg heima, ikki bert tí at ongin útróður er, men eisini tí teir eru bidnir um tað av landsins myndugleikum.

Úrslitið er, at teir ikki sum aðrir samfelagsbólkar fáa mistu egningarlønina endurgoldna.

Egnararnir eru summir sendir til hús við ongari egningarløn, ímeðan aðrir er farnir sjálvbodnir til hús, eftir áheitan frá myndugleikunum, sum lídnir borgarar. Heldur ikki teir fáa nakað endurgoldið fyri mistu egningarlønina.