Kirkjuhagi á Fugloynni, Norðari Partur hevur í dag reist eitt felags seyðahús, sum eisini verður brúkt sum rætt. Jógvan Páll Poulsen segði at tilgongdin byrjaði longu í 2000. Tá vit skiftu út uttangarðs.

Tvey ár eru gingin síðani bleiv ætlanin ítøkilig og hendan høllin bleiv umbiðin og kom á staðið. Men tað hevur gingið ov seint við arbeiðinum. Hálvt annað ár er gingið síðani vit byrjaðu og nýstani reisa vit. Nógvir eigarar eru um hagan og flestu búgv ikki her, so tað hevur verið eitt sindur av eini avbjóðing at samskipa arbeiðið.

Rættin verður valla orduliga liðug í heyst. Tó verður hon innilokað og gólvið verður komið í, so vit kunnu brúka hana í heyst.

Hetta fer at lætta nógv um. Størsta arbeiðið hevur verið eftir at vit eru komnir í rætt. Nú verður lætt at skipa okkum nú rættin og seyðahúsin eru á sama stað.