Lýsing
Lýsing
Stevnusending verður send beinleiðis av Skúlatrøð | Mynd: Dávur Winther

Norðoyastevnan í øðrvísi hami

SKRIVAÐ: Dávur Winther  |  03.06.2020 - 14:32 Ítrottur Mentan Tíðindi

Norðoyastevnan verður í ár í størsta mun skipað sum eitt stroymingartiltak við fjølbroyttari skrá. Tó vera nøkur alemenn tiltøk, sum verða skipað eftir tilmælunum frá myndugleikunum um frástøðu og reinføri. Norðoyastevnan verður sostatt í tveimum ymiskum útgávum, og á tann hátt heilt øðrvísi, enn hvat vit annars eru von við.

Leygarkvøldið 6. juni kl. 19.00 verður hugnalig og undirhaldandi stevnusending send beinleiðis av Skúlatrøð.

Á skránni vera røður, gestir koma á gátt, reportasjur úr býnum, tónleikarar spæla live, og aktuelt norðoyastevnuskemt, ið Klaksvíkar Sjónleikarafelag stendur fyri, er gjørt til sendingina.

Sendingin byrjar við, at Solby Christiansdóttir, tíðindakvinna flytir fram norðoyastevnurøðu. Sum næst seinasta tiltak á skránni flytir Símun Absalonsen, grannskoðari fram “midnáttarrøðu” kl. 22.00.

Sendingin endar áleið kl. 22.30 við einari stórari sangløtu við Halluri Joensen og øðrum, har tú kanst syngja við. Sanghefti verður at finna a www.klaksvik.fo og á facebook-síðu hjá kommununi.

Sendingin verður stroymd umvegis heimasíðuna www.klaksvik.fo

Hin parturin av skránni eru almennu tiltøkini, har nevnast kunnu dystir við Djúpumýri, kappróður, norðoyastevnu renning hjá Treysti og gongutúrur við Norðoya gongufelag. Sum eitt nýtt og annarleiðis tiltak er NET-Bingu á skrá.

Tónleikur er fastur partur av norðoyastevnuskránni, og í ár er onki undantak. Umframt, at nógvur tónleikur verður partur av norðoyatiltakinum, sum verður stroymt, so verður ein forkunnug tónleikarundferð við Danny og Inga runt um í býnum.

Við einum væl útgjørdum ljóðvogni fara teir at hava seks ymiskar konsertir, har teir fara at framføra kend løg, sum “Kostbar” og “Tá ið eg síggi teg”.

Norðoyastevnan endar við einum størri fýrverki á miðnátt leygarkvøldið 6. juni 2020, sum verður sent av Sandinum.

Við ynski um eina góða norðoyastevnu!

Lýsing
Seinastu tíðindini
Amerikanski ambassadøru­rin: Forsetavalið…
Amerikanska sendikvinnan: Føroyar eru po…
Sands: Vónandi fæst Donald Trump til Før…
Carla Sands: Hvørki flotaherstøð ella ko…
Í seks ár hava Bústaðir bygt fimm vanlig…
Carla Sands vitjaði Norðlýsið
Nýggjur Christian í Grótinum
Grind eigur at verða hildin til
KÍ á Tórsvølli sunnudagin
Brúdleyp - Valborg og Dánjal
Kappingin um løgmanssteypið byrjar við s…
Størri byggifyritøkur og smærri - neyðug…
Gøtu kirkju ungdómskór
Lands­stýrið vanvirðir Løgtingið og stýri…
Floksmannadagar í Hattarvík - eitt uppli…
Væl skipaður ferðafólka­flutningur
Koronologiskur filmsfestivalur hjá Tjóðp…
Ótakk var lønin hjá reiðaranum
Semja millum Fíggjar­mála­ráðið og Maskinm…
Saman loysa vit bústaðartrotið