Tað hevur verið landsynningur í morgun, og tað fer tað at vera seinnapartin eisini. Eitt sindur meira vindur enn seinastu dagarnar, 5 til 10 m/s ella 8 til 13 m/s.
Í kvøld fer ættin at krúpa seg niður ímóti suðuri, meðan vindurin fer at minka eitt sindur. Men áðrenn tað verður, fer eitt brúgvalag við regni at koma sunnaneftir. Fyrst regnar í Suðuroy og so í hinum oyggjunum, meðan brúgvalagið gongur norðureftir.
Meðan dystur er á Djúpumýru í Klaksvík í dag ímillum KÍ og Skála, fer tað at vera sum nú: 8 til 13 m/s úr landsynningi, loftið skýggjað (ikki samdrigið) og sólglottar. Helst turt allan dystin, tó kann regna ella sirma í seinna hálvleiki.
Hitin fer at liggja um 15 stig.
Góðan dyst og koyr á KÍ.