Mamma er fødd 24. juni 1930 á Eiði, men flutti saman við foreldrum, og systkjunum Elisu og Meinhardt til Klaksvíkar, tá hon var ½ ára gomul.

Hon giftist við Torleif Hjaltason Joensen úr Norðdepli, og fingu tey børnini, Jógvan Páll, Siggvard og Torgunn. Torleif sló út av Norðingi í 1963, tá yngsta barnið bert var 4 mánaðir, og hon sat einkja eftir við trimum smábørnum.

Mamma giftist uppaftur í 1966 við Thorstein Thomsen úr Nólsoy, og fingu tey døturnar Margreth og Sigrun. Thorstein andaðist 2. februar 2018.

Mamma situr nú einkja og býr á Sambýlinum á Heygnum.
Vegna Corona tilmælini verður ongin føðingardagur hildin.

Góða mamma! Vit takka tær fyri allar løturnar, vit hava havt og enn kunnu njóta saman við tær.
Takk fyri alt tú hevur verið og ert fyri okkum øll.

Hjartaliga tilukku á 90 ára føðingardegnum og Harrans signing ynskja vit tær!

Heilsan
Børnini