Undan dystinum liggja liðini á 4. og 5. plássi. KÍ er seks stig frammanfyri, so hetta er møguleikin hjá Víkingi at fáa samband aftur við KÍ. Hinvegin má KÍ vinna fyri at fylgja við HB, B36 og NSÍ, sum øll væntast at vinna hetta umfarið.

Hjá KÍ er Odmar Færø tøkur aftur eftir skaða. Hinvegin er Alessio Hyseni farin av landinum og spælir ikki aftur við KÍ. Annars eru allir leikarar tøkir. Hjá Víkingi spældi Andreas L. Olsen ikki seinast vegna skaða. Óvist er, um hann spælir hesaferð.

Dysturin í Sarpugerði byrjar kl. 15.00. Dómari verður Eiler Rasmussen.