Lýsing

Fimm systkin studentsprógv á Kambsdali

SKRIVAÐ: Jóhann Lützen  |  01.07.2020 - 07:40 Mentan Myndarøð Tíðindi

Fríggjadagin var próvhandan í Miðnámi á Kambsdali. Millum studentarnar, ið fingu prógv hendan dagin var Lilja Súnadóttir Kristiansen av Skála. Og fyri hana – og ikki minst foreldur hennara – var løtan heilt serlig.

Lilja er nevnliga tann yngsta av fimm systkjum, sum øll hava fingið handað prógv á Kambsdali.

 

Tey fimm systkini eru:

  • Heini, 34 ár, studentur í 2005, útbúgvin cand.merc frá Copenhagen Business school og arbeiðir sum HR-leiðari á Bakkafrosti
  • Ása, 31 ár, studentur í 2009 og lesur námsfrøði á Fróðskaparsetri Føroya 
  • Marnar, 30 ár, studentur í 2009, útbúgvin lækni frá Københavns Universitet og er í løtuni phd-lesandi á Fróðskaparsetri Føroya
  • Silvia, 21 ár, studentur í 2017 og lesur medisin á Københavns Universitet
  • Lilja, 19 ár, studentur í 2020 og er júst liðug á Miðnámi á Kambsdali

Til próvhandanina segði pápin, Súni Kristiansen nøkur orð og takkaði vegna seg og konuna, Eyðgerð, skúlanum fyri at allar fimm studentarnar. Súni endaði røðuna við hesum orðum:

”At enda fari eg at takka Miðnámi á Kambsdali fyri tað stóra ríkidømi, tit hava givið børnum okkara við at nema sær eina góða útbúgving. Trivnaðurin hevur verið góður á skúlanum, og tit hava dugað væl at givið okkum foreldrum pláss í tilgongdini – tað hava vit eisini verið sera takksom fyri. Takk fyri tíðina og øll tey bestu ynski fyri tykkara týdningarmikla arbeiði framyvir.”

Seinni um kvøldið kundi Lilja hátíðarhalda studentsprógvið saman við familju og vinum – og hinum fýra systkjunum, sum eisini hava húgvu av Kambsdali.

Lýsing
Seinastu tíðindini
Støkk inn kanningar á Klaksvíkar Sjúkrah…
Gadus fer nýggjan túr í kvøld
KÍ-Slovan Bratislava: Dysturin verður vi…
Maria og Rebekka settu báðar føroysk met…
Gott veður í næstu viku
KÍ fekk heimavøll og sterkt mótstøðulið
Smittubreiðslan minkað eitt vet seinastu…
Útvarpsguds­tænasta úr Christians­kirkjuni…
Hesum fýra liðunum kann KÍ møta
Hetta sigur KÍ-venjarin undan Champions…
Skjótari at fáa koyrikort til vinnuligan…
Borgarar í sóttarhaldi kunnu nú ringja t…
Mentan­arvikan í Runavíkar kommunu verður…
Eysturoy, - gráa leingjan - opið bræv ti…
Vøllurin við Djúpumýru góðkendur til evr…
Lands­stýrið letur 500.000 kr. til neyðhj…
KÍ hevur ongantíð skorað fleiri mál so t…
Hví reingir hann sannleikan?
Áheitan frá Fugloyar kommunu
Korona: Tímalønt mugu tryggjast