Siðvenjan í steypakappingini talar fyri HB, og tað ger stigatalvan í landskappingini eisini. Men KÍ hevur heimavøll og vísti á útivølli móti HB, at tað er ikki stórvegis munur á hesum báðum liðunum eins og stigatalvan vísir, tí har eru bara tvey stig, sum skilja liðini.
Hjá KÍ eru mest sannlíkt allir leikarar tøkir av teimum, sum hava spælt síðstu dystirnar. Hjá HB er okkurt ivamál vegna skaðar. HB hevur breiðan hóp og hevur tí eisini havt eitt sterkt lið síðstu umførini.

Dysturin í Klaksvík byrjar kl. 19.00. Dómari verður Petur Reinert.