Vígdis hevur nú í mong ár verið á tí skapandi básinum og róð  upp undir flytingar frá tí natúrliga til tað ekspressiva og poetiska. Nú er hon farin inn á ein annan bás – Collage mixed Media, har ymisk evni verða brúkt til at gera myndirnar t. d. klútar, pappír, træ og tilfar, sum funnið verður, ið kann nýtast til myndlistina.

Fleiri myndir hennara eru eisini klipp úr føgrum litaðum pappíri. Vígdis hevur stillað út í Ribarhúsi í 2006, kring landið og uttanlands í mong ár. Pápi hennara, Sigmund Petersen gjørdi leiktjøldini til sjónleikin, Hjá Dalabóndum 1955 og  Systrarnar á Kinn 1960, sum vórðu spældir í dansistovuni í Fuglafirði.

Tað eru fólk í bygdini enn tann dag í dag, ið minnast til hesa føgru myndagerð. Nú er tað dóttirin, ið skal vísa fram síni “tjøld”.